ශ්රී ලංකා ජාතික කණ්ඩායම සහ ශ්රී ලංකා ප්රිමියර් ලීගයේ කැන්ඩි ෆෝල්කන්ස් කණ්ඩායම ඔවුන්ගේ ක්රීඩා ජර්සිවල ඉන්දීය ඔට්ටු ඇල්ලීමේ නියෝජිතයෙක් වන Fairplay හි අනුබද්ධ ආයතනයක්වූ Fairplay News ලාංඡනය අමු අමුවේ පැළඳ සිටීම සම්බන්ධයෙන් පරීක්ෂණයක් ආරම්භ කර ඇති බව ක්රීඩා අමාත්යාංශයේ ලේකම් ආචාර්ය අමල් හර්ෂ ද සිල්වා පවසයි.
Fairplay news, ඉන්දියානු ඔට්ටු ඇල්ලීමේ සමාගමක් වන Fairplay හි අනුබද්ධිත ආයතනයක් වන අතර, Fairplay news ලාංඡනය ආසියානු කුසලානයේ දී ජාතික කණ්ඩායමේ ජර්සිවල මුද්රණය කර තිබිණි. එල්පීඑල්. තරගාවලියේ දී Kandy Warriors (දැන් Kandy Falcons) මත එම ලාංඡනය මුද්රණය වී තිබේ. .
කෙසේ වෙතත්, මෙම කණ්ඩායම් දෙක, සහ රටේ ධනවත්ම ක්රීඩා ආයතනය ද මෙම බුකි කරුවාට හසු වී ඇති බව මේ වනවිට තොරතුරු ලැබී තිබේ.
ජාතික ක්රීඩා කවුන්සිලයේ සභාපති අර්ජුන රණතුංග ක්රීඩා අමාත්යවරයාට ලිඛිත ඉල්ලීමක් කරමින් ආචාරධර්ම ගැටුම සම්බන්ධයෙන් සොයා බලන ලෙස ඉල්ලා සිටීමෙන් පසුව මෙම විමර්ශනය ආරම්භ කළ බව ආචාර්ය ද සිල්වා අනාවරණය කළේය.
“ක්රීඩා ඔට්ටු ඇල්ලීමේ සමාගමක් එල්.පී.එල් තරගාවලියට සම්බන්ධව සිටින බවට චෝදනා රාශියක් තියනවා. සාමාන්යයෙන් මේ වගේ දේවල් එක්ක ගිවිසුමක් ආවම ඒ ගිවිසුම ක්රීඩා ඇමතිට යවන්න ඕන. සැකයක් තියෙනවා නම් අපි ඒක නීතිපතිවරයාට යවනවා. මේ කිසිම ක්රමවේදයක් අනුගමනය කරලා නැහැ”, ලේකම්වරයා පැහැදිලි කළේය.
“ඇත්ත වශයෙන්ම අපි මෙතෙක් ඔවුන්ගෙන් පැහැදිලි කිරීමක් ඉල්ලා නෑ… නමුත් ක්රීඩා උපදේශක සභාවේ (ජාතික ක්රීඩා කවුන්සිලයේ) සභාපතිවරයා අමාත්යවරයාගෙන් ලිඛිත ඉල්ලීමක් කර ඇති බැවින් අපි සමස්ත කාරණය සම්බන්ධයෙන් පරීක්ෂණ ආරම්භ කරනවා.”
කෙසේ වෙතත් මෙම ගැටලුව හේතුවෙන් තරඟාවලිය අත්හිටුවීමට තීරණයක් ගෙන නොමැති බව ලේකම්වරයා තහවුරු කළේය.
එය අමාත්යවරයා ඉදිරියේදී ගත යුතු තීරණයක් බවද ඔහු පැවසීය.
