ශ්රී ලංකාව තුල ඇතිව ඇති දරුණු ආර්ථික අර්බුදය පාකිස්ථානයට තමන්ට එල්ල වුනු අනතුරු ඇඟවීමක් බවට සැලකිය යුතු බවට විදේශ ප්රතිපත්ති විශ්ලේෂඛයින් පෙන්වා දෙයි.
ඒ අනුව පාකිස්ථානය විසින් නිසි පියවර කඩිනමින් ගතයුතු බවත් එසේ නොමැති වුවහොත් තත්ත්වය ශ්රී ලංකාවට සමාන විය හැකි බවද එම විශේසඥයින් සඳහන් කරයි.
‟අපි දැනට ශ්රී ලංකාව පත්ව ඇති තත්ත්වයට පත්ව නැහැ. ඒත් මේ විදිහටම කටයුතු සිදු වුවහොත් ශ්රී ලංකාව පත්ව ඇති තත්ත්වය හෝ ඊටත් වඩා දරුණු තත්ත්වයකට රට පත්වීමේ අවදානමක් පවතිනවා. මේවන විට ජාත්යන්තර මුල්ය අරමුදල සමඟ කරනු ලබන සාකච්ඡාද මේවන තෙක් සාර්ථක වී නැහැ. ඒවගේම සහය ලබා ගැනීමට මිත්ර රටවල් සමඟද නිසි පරිදි සාකච්ඡා කර නැහැ” යනුවෙන් පාකිස්තානයේ ප්රමුඛ පෙළේ මාධ්යවේදියකු මෙන්ම ප්රති පත්ති විශ්ලේෂඛයෙකු වන සහිඩ් හුසේන් සඳහන් කර ඇත.
ශ්රී ලංකාව චීනය ලබාගත් අධික ණය හේතුවෙන් දැඩි ණය අර්බුදයකටත් විදේශ විනිමය හිඟයකටත් මුහුණ දී තිබෙන අතර ඊට සමානම ප්රතිපත්ති පාකිස්ථානය විසින් පසුගිය කාලයේද අනුගමනය කළේය. එහිදී නිසි ආර්ථික ප්රතිලාභ නොමැති ව්යාපෘති රැසකට චිනය ණය ලබාගත් අතර එම ණය වාරික ගෙවීමට නොහැකි තත්ත්වයටද පාකිස්ථානය පත්ව තිබේ.
පාකිස්ථානය මෙම ආර්ථිකය අගාදයට ඇද දැමූ ඉම්රාන් ඛාන්ගේ ආණ්ඩුව මේවන විට බලයෙන් ඉවත්ව ගියත් නව රජයටද පවතින අර්ථික අර්බුදයට නිසි පිළිතුරු සෙවීම දැඩි අභියෝගයක් බවට පත්ව ඇත.
මෙම අර්බුදයෙන් මිදීමට ජාත්යන්තර මූල්ය අරමුදලේ සහය පැතීමට පියවර ගත්තද තවමත් එම සාකච්ඡා නිසි ලෙස අවසන් වි නොමැති වීම තත්ත්වය දරුණු අතට පත් කිරීමට හේතුවී තිබේ.
