ශ්රියානි විජේසිංහ –
දිවයින පුරා රජයේ හා පෞද්ගලික රෝහල්වල වෛද්ය ප්රතිකාර සේවාවන්වලින් හෙට දිනයේදී බැහැර වන බව රජයේ වෛද්ය නිලධාරීන්ගේ සංගමය සඳහන් කරයි.
දිවයින පුරා රෝහල්වල ක්රියාත්මක කරන සංකේත වැඩ වර්ජනය හෙට උදෑසන 8.00 ආරම්භ වුවද හදිසි ප්රතිකාර සේවාවන් පත්වාගෙන යාමට කටයුතු කරන අතර පිළිකා රෝහල, ළමා රෝහල්, මාතෘ රෝහල්, සහ ත්රිවිධහමුදා රෝහල්වල ප්රතිකාර කටයුතු සුපුරුදු පරිදි සිදුවෙන බව සංගමයේ මාධ්ය ප්රකාශක වෛද්ය චමිල් විජේසිංහ සදහන් කරයි.
රෝහල්වල පවතින ඖෂධ හිඟයට විසදුම් ලබා දීමට රජය අපොහොසත්වීම, අසාධාරණ බදු ප්රතිපත්තිය, රජයේ නාස්තිකාර වියදම, හා රජයේ හෙන්චයියන්ට ලබාදෙන බදු සහන ආදි කරුණු මුල්කර ගනිමින් මෙම සංකේත වැඩ වර්ජනය ආරම්භ කරන බව වෛද්ය විජේසිංහ පවසා සිටියි.
හෙට ආරම්භ කරන සංකේත වැඩ වර්ජනයෙන් හෝ හයිඩ්පිටියේ පැවැත්වෙන විරෝධතා රැළියෙන් ආණ්ඩුව පාඩමක් ඉගෙන නොගතහොත් පාඩමක් ඉගැන්වීමට වෛද්යවරුන් ඇතුලු වෘත්තිකයන් කටයුතු කිරීමට ප්රමාද නොවන බවද හෙතෙම අවධාරණය කරයි.
සංකේත වැඩ වර්ජනය හේතුවෙන් රජයේ සහ පෞද්ගලික රෝහල්වල සායන , බාහිරරෝගී අංශය, චැනලින් , මුළුමනින්ම නතර වෙන බවද සංගමය අවධාරණය කරයි.
