පෞද්ගලික මගී ප්රවාහන සේවා සහ ලංකා ගමනාගමන මණ්ඩලය එකව ක්රියාත්මක කර ඇති ඒකාබද්ධ දුර ගමන් සේවා බස් රථ ධාවන කාලසටහනට එරෙහිව ශ්රී ලංකා ගමනාගමන මණ්ඩලයේ සේවකයින් මේ වනවිට ආරම්භ කර ඇති වර්ජනයට එක් වී සිටින සියලුම ලංගම රියදුරන්ට සේවයට වාර්තා කරන ලෙස දැනුම් දී ඇති බවත්, එසේ වාර්තා නොකර වෘත්තීය සමිති ක්රියාමර්ගයට යොමුවන රියදුරන්ගේ වැඩ තහනම් කරන බවත් ප්රවාහන නියෝජ්ය අමාත්ය ප්රසන්න ගුණසේන පවසයි.
බස් රථ ධාවනයෙන් ඉවත් කරගෙන ලංගම සේවකයින් ගෙන ඇති වෘත්තීය සමිති ක්රියාමාර්ගය කිසිම සාධාරණ පදනමක් නොමැතිව රජය අපහසුතාවයට පත් කරන කඩාකප්පල්කාරී ක්රියාවක් බැවින් මෙම තීරණය ගන්නා බව ද නියෝජ්ය අමාත්යවරයා ප්රකාශ කරයි. .
අමාත්යවරයා මේ බව මාධ්යයට ප්රකාශ කර තිබුණේ මේ වනවිට ශ්රී ලංකා ගමනා ගමන මණ්ඩලයේ සේවකයින් බස් රථ ධාවනයෙන් ඉවත් වීමට ගෙන ඇති වෘත්තීය සමිති ක්රියාමාර්ගයට ප්රතිචාර දක්වමිනි.
කෙසේ වෙතත් අන්තර් පළාත් බස් හිමියන්ගේ සංගමයේ සභාපති ප්රසන්න විපුලගුණ පැවසුවේ ඔවුන්ගේ සංගමයෙන් බස් රථ සියයට හතලිහක් ඉවත් වුව ද මේ වැඩපිළිවෙළට එකතු වූ බවය.
අද (28) ලංගම වැඩ වර්ජනයක් තියනවා කියලා ආරංචි වුනා. මේ නිසා අපි සියලුම බස් රථ යොදවලා මගී ජනතාවට අවශ්ය සේවය ලබා දෙන්න අවශ්ය වැඩපිළිවෙළ අපි සකස් කරලා තියනවා. අපේ බස් රථතත් සීයක් දුවනවා නම් 40ක් ඉවත් කරලා යම් කිසි දායකත්වයක් දීලා තමයි ඒකාබද්ධ කාලසටහනට අවශ්ය සියයට හැට හතලිහ අනුපාතයට අපි එකඟ වෙන්නෙ. ලංගමයටත් ඒ වගේම කැප කිරීමක් කරන් වෙනවා”. සභාපතිවරයා කීවේය.
