මනම්පිටිය නිමල් ජයරත්න –
වී අලෙවි මණ්ඩලයට අයත් වැලිකන්ද වී ගබඩාවේ ප්රධාන දොර කැඩා වන අලියෙක් එහි තිබූ වී මිටියක් රැගෙන ගොස් ඇති බව වී අලෙවි මණ්ඩලයේ පොළොන්නරුව කාර්යාලයේ නිලධාරියකු පැවසීය.
7 වෙනිදා අලුයම මෙම වන අලි ප්රහාරය එල්ල වී ඇති අතර, පසුගිය සැප්තැම්බර් 09 වෙනිදාද වන අලියෙකු පහරදී වී මිටි හැට හතරකට හානි සිදුකර ඇති බව වී අලෙවි මණ්ඩලයේ පොළොන්නරුව කළමනාකරු නිමල් ඒකනායක අප කළ විමසීමකදී පැවසීය.
මෙම ගබඩාවේ ආරක්ෂාව සදහා සිවිල් ආරක්ෂක බලකායේ සිව්දෙනකු යොදවා සිටින අතර වන අලි පලවා හැරීමට ඔවුන්ට නොහැකි වී ඇතැයි වාර්තා වේ. ප්රධාන දොරටුව කඩා වී මිටියක් පමණක් රැගෙන යෑමට කටයුතු කර තිබීම පුදුම එළවනසුළු බව ද කළමනාකාරවරයා පැවසුවේය.
වී අලෙවි මණ්ඩලයට අයත් වැලිකන්ද වී ගබඩා දෙකේ වී මෙට්රික් ටොන් දෙදහක් පමණ තිබෙන බවත්, එම වී තොගය වන අලින්ගෙන් රැක ගැනීමට දැඩි ප්රයත්නයක් දැරීමට සිදුව ඇති බවත්, මෙම ගබඩා දෙකේ වී තොග ආරක්ෂා කිරීම සඳහා සිවිල් ආරක්ෂක බලකායේ නිලධාරීන් වැඩි කිරීමට අවශ්ය උපදෙස් ලබාදී ඇති බවත් ඔහු සඳහන් කළේය.
