එළැඹෙන විස්සයි20 ලෝක කුසලාන ක්රිකට් තරගාවලිය වෙනුවෙන් කොළඹ නගරය කේන්ද්ර කරගනිමින් විශේෂ ආරක්ෂක වැඩපිළිවෙළක් සහ රථවාහන සැලැස්මක් ක්රියාත්මක කිරීමට පොලීසිය පියවර ගෙන ඇත.
හෙට (7) සිට මාර්තු 8 දක්වා ක්රියාත්මක වන මෙම සැලැස්ම ප්රධාන වශයෙන් මාළිගාවත්ත ආර්. ප්රේමදාස ක්රීඩාංගණය සහ කුරුඳුවත්ත SSC ක්රීඩාංගණය අවට ප්රදේශ ආවරණය වන පරිදි සකස් කර තිබේ.
ආරක්ෂක විධිවිධාන
තරග නැරඹීමට පැමිණෙන දේශීය හා විදේශීය ප්රේක්ෂකයින්ගේ ආරක්ෂාව තහවුරු කිරීම සඳහා සමස්ත පොලිස් නිලධාරීන් 2,100කට අධික පිරිසක් යෙදවීමට තීරණය කර ඇත. ඒ පොලිස් නිලධාරීන් 1,500ක් සහ රථවාහන නිලධාරීන් 600ක් වශයෙනි.
මීට අමතරව, සිවිල් ඇඳුමින් සැරසුණු නිලධාරීන් සහ බුද්ධි අංශ නිලධාරීන් ද ක්රීඩාංගණ අවට විශේෂ ආරක්ෂක රාජකාරිවල නිරත වනු ඇත.
ප්රේක්ෂකයින් සඳහා තහනම් ද්රව්ය
ආරක්ෂක හේතූන් මත ක්රීඩාංගණය තුළට රැගෙන ඒම සපුරා තහනම් ද්රව්ය පිළිබඳව ද පොලීසිය මහජනතාවට දැනුම් දී සිටී. ඒ අනුව විශාල ප්රමාණයේ ගමන් මළු සහ වීදුරු බෝතල්, ඩ්රෝන උපකරණ සහ කුඩා මුවහත් පිහි, මත්ද්රව්ය සහ මත්පැන් ක්රීඩාංගනය තුළට රැගෙන ඒම තහහනම් කර ඇත.
විශේෂ රථවාහන සැලැස්ම
තරගාවලිය පැවැත්වෙන දිනවලදී ක්රීඩාංගණ අවට මාර්ගවල පවතින තදබදය අවම කිරීම සඳහා කොළඹ රථවාහන කොට්ඨාසය විසින් විශේෂ සැලැස්මක් ක්රියාත්මක කරයි. විශාල ප්රේක්ෂක පිරිසක් පැමිණීමට නියමිත බැවින්, එම ප්රදේශ හරහා ගමන් ගන්නා රියදුරන්ට විකල්ප මාර්ග භාවිත කරන ලෙස ද උපදෙස් දෙනු ලැබේ.
උක්ත රථ වාහන සැලැස්ම පොලිස් මාධ්ය කොට්ඨාසය විසින් නිකුත් කර තිබේ. එය පහත දැක්වේ.
