මානසික රෝගීන් සඳහා නිර්දේශ කෙරෙන කිසිදු ඖෂධයක් පුද්ගලයන්ගේ මනස සංසුන් කිරීම මිස ආවේගශීලී තත්ත්වයට පත් නොකරවන බව ශ්රි ලංකා විශේෂඥ මනෝවෛද්යවරුන්ගේ විද්යායතනය සඳහන් කරයි.
එම සංගමය මේ පිළිබඳව සඳහන් කරමින් නිවේදනයක් නිතුක් කළේ පසුගියදා මහර බන්ධනාගාරයේදී ඇතිවූ ගැටුම්කාරී තත්ත්වයට හේතුව එහි සිටි රැඳවියන් පිරිසක් මානසික රෝගීන් භාවිත කරන පෙති වර්ගයක් පානය කළ නිසා බවත් එමඟින් ලේ දැකීමේ ආශාව සහ ආවේගශීලී මානසිකත්වයක් ඇති කිරීම බවට වූ පළ වු කතාවක් පිළිබඳව රටේ ඇතිව තිබෙන කතාවට ප්රතිචාර දක්වමිනි.
මේ පිළිබඳව මුලින්ම පාර්ලිමේන්තුවේදී අනාවරණය කළේ කර්මාන්ත අමාත්ය විමල් වීරවංශ මහතාය.
මහර බන්ධනාගාරයේද අභ්යන්තර තත්ත්ව පිළිබඳව තමන් ලද තොරතුරු මත වගකීමෙන් යුතුව මේ බව සඳහන් කරන බව ඔහු පාර්ලිමේන්තුවේදී සඳහන් කළ ඒ කතාව විවිධ සමාජ තල ඔස්සේ සමාජ කකා බහට ලක් විය.
ඊට ප්රතිචාර දක්වමින් ශ්රි ලංකා විශේෂඥ මනෝ වෛද්යවරුන්ගේ විද්යායතනය විසින් අද දින නිවේදනයක් නිකුත් කරමින් සඳහන් කළේ සබුද්ධික පදනමකින් තොරව මේ පිළිබඳව මාධ්ය මඟින් ලද ප්රචාරය අවාසානවන්ත දෙයක් බවත් එමඟින් මෙම ඖෂධවලින් ප්රයෝජන ගන්නා මිලියන ගණනක් වන ජනතාව තුළ යම් සැකයක් ඇති නොවීමට මෙම ප්රකාශය සිදු කළ බවය.
