මෙදා නත්තලේදී බෙදීම් ඇතිකර නොගෙන විවිධ ජාතීන්, විවිධ ආගම් අදහන, විවිධ භාෂා කතා කරන සියලු දෙනා සහෝදරත්වයෙන් අත්වැල් බැඳගෙන කටයුතු කිරීමට අධිෂ්ඨාන කරගත යුතු බව කොළඹ අගරදගුරු අති උතුම් මැල්කම් කාදිනල් රංජිත් හිමිපාණෝ පවසති.
නත්තල් දිනය නිමිත්තෙන් ඊයේ (24) විෙශ්ෂ ප්රකාශයක් නිකුත් කරමින් උන්වහන්සේ මේ බව සඳහන් කළහ.
මෙවර නත්තල දිළිඳුන් වෙනුවෙන් විශේෂයෙන්, පීඩාවට පත් වූවන්ට උදවු කරමින් ගත කරන්නට යොමු විය යුතු බව උන්වහන්සේ අවධාරණය කරති.
මැල්කම් කාදිනල් රංජිත් හිමිපාණෝ නත්තල පිළිබඳ කරන ප්රකාශයේ මෙසේ ද පවසති. මෙසේ ද පවසති.
“මේ නත්තල් සමය ක්රිස්තු භක්තිකයන් ලෙස පිළිගන්නේ ජේසුස් ක්රිස්තුස් වහන්සේ මෙලොවට ජනිත වූ අවස්ථාව ලෙසයි. එදා සංගණනයක් සඳහා බෙත්ලෙහෙම් නගරයට ජුසේතුමා සහ මරියතුමිය සංක්රමණය වුණා. සංක්රමණිකයන් ලෙස ඔවුන් එහේ ගිය වෙලාවෙදි මේ උපත සිදු වුණා. ඔවුන්ට එදා නවාතැන් ගැනීමට සුදුසු ස්ථානයක් සොයාගන්න බැරි වුණා. ඒ නිසා ඒ උපත සිදු වුණේ සීතල ගල්ගුහාවක් ඇතුළේ හරකුන් ලගින ස්ථානයකයි.
මුලින්ම උන්වහන්සේව දැක බලාගැනීමට පැමිණියේ දිළිඳු එඬේරුන්. ඔවුන්ට දේවදූතයන් දර්ශනය වෙලා මේ උපත ගැන සඳහන් කළ විට ඔවුන් මේ ගව මඩුව සොයාගෙන පැමිණියා. ඒ සඳහා ඔවුන්ට තාරකාවක් උපකාරි වුණා කියලා ශුද්ධ වූ මතෙව්තුමාගේ සුවිශේෂයේ සඳහන් කරනවා.
අපේ ගැලවුම්කාරයාණන් වන ජේසුස් ක්රිස්තුස් වහන්සේ දිළිඳු එඬේරුන් අතර උපත ලැබීමෙන් අපට පණිවිඩයක් ලබා දෙනවා. දෙවියන් වහන්සේ තෝරා ගන්නේ මනුෂ්යයා සිතන ආකාරයේ ගෞරවය සහ භක්තිය නෙවෙයි. දෙවියන් වහන්සේ තෝරා ගන්නේ මනුෂ්ය සංහතියට දක්වන ආදරය පිළිබිඹු වන වඩාත්ම අසරණ දිළිඳු ජීවිතයක්. උන්වහන්සේ උපතේ සිට ඉතාම අල්පේච්ඡ ජීවිතයක් ගත කළා. මරණය දක්වා උන්වහන්සේට ස්ථාවර ස්ථානයක් තිබුණේ නැහැ.
නත්තල කියන්නේ බැහැපත්කමේ මංගල්යයක්. ශ්රී ලංකාව තුළ භයානක කුණාටුවක් ඇතිවෙලා, විනාශයක් සිදු වෙලා, පවුල් දහසක් පමණ තමන්ගේ නැති වූ ඥාතීන් වෙනුවෙන් දුක් වෙනවා. විශාල පිරිසක් තමන්ගේ ගේදොර ඉඩකඩම් අහිමි වෙලා, ගංවතුරෙන් ගසාගෙන ගිහිල්ලා අනාථ කඳවුරුවල ජීවත් වෙනවා. මිලියන 2ක් පමණ ජනතාවක් පීඩාවට පත්ව සිටින වෙලාවෙදි අපට නත්තල් උත්සවය සතුටේ මංගල්යයක් ලෙස ගතකරන්නට අවශ්යයි කියලා සිතුණත් ඒ අයගේ සිත් පාරන්නේ නැති වෙන්න අපි එය සිදු කළ යුතුයි.
නත්තල සාමාන්යයෙන් කෑම බීම, ඇඳුම් පැලඳුම්, රතිඤ්ඤා ඒ වගේම මනුෂ්ය ජීවිතයට අවශ්යයි කියන නොයෙකුත් දේවල්වලින් උපරිම මට්ටමේ සතුටක් ලබා ගැනීමේ මංගල්යයක් ලෙස සමරන්නට වෙළෙඳ ආර්ථිකය යෝජනා කර තිබෙනවා.
ඒ වගේ සතුටු වෙන එකේ වරදක් නැහැ. සතුටු වෙන්න එපා කියලා කියනවත් නෙමෙයි. නමුත් අපි හැමතිස්සෙම මතක තියාගන්න ඕනෑ අපි නත්තල දිළිඳුන් වෙනුවෙන් විශේෂයෙන්, පීඩාවට පත් වූවන් ගැන සිතමින් ගත කරන්නට යොමු විය යුතුයි. මේ නිසා මෙදා නත්තලේදී පීඩාවට පත් වූ අයගේ සිත් පාරවන වැඩ කරන්නේ නැතුව, පුළුවන් තරම් ඒ අයට උපකාරී වෙමින්, අසල්වාසී දිළිඳු දරුවන් ලෝකයේ ජීවත් වන දිළිඳුන් වෙනුවෙන් යම් යම් පරිත්යාගයන් සිදු කරමින් අතහැරීමේ සතුට භුක්ති විඳින ලෙසයි සැමරිය යුත්තේ.
අතහැරීමෙන් තවත් කෙනකුගේ සිත පිනවන ආකාරයෙන් ලැබෙන සතුට මුදල්වලට ගන්න බැහැ. ඒ සතුට අත්පත් කරගෙන නත්තල ගත කරන්න කියලා මම ඔබ සියලු දෙනාගෙන් ඉල්ලා සිටිනවා. මේ රටේ ඇති වෙලා තියෙන ව්යසනය නිසා අප බෙදීම්වලට යන්නේ නැතුව මේ රටේ ආගම් අදහන සියලු දෙනාම, විවිධ ජාතීන්, විවිධ භාෂා කතා කරන සියලු දෙනා සහෝදරත්වයෙන් අත්වැල් බැඳගෙන කටයුතු කරමු.
එහෙම කළොත් මේ නත්තලේදී පමණක් නෙවෙයි ඉදිරියේ 2026 වසරේදිත් අපට ඉතාමත්ම සතුටුදායක නත්තලක් සහ නව වසරක් ගත කරන්නට අවස්ථාව ලැබේවි. ඒ අවස්ථාව ඔබ සියලු දෙනාට ප්රාර්ථනා කරනවා. ජේසු පිහිටයි.” –
