ශ්රියානි විජේසිංහ –
විදුලි බල පනත සංශෝධනය නොකළේ නම් මණ්ඩලයේ සේවකයින් 12000ගේ රැකියා අහිමි වීමට ඉඩ තිබුණේ යැයිද සේවකයා රැකගෙන ඔවුන්ගේ රැකියා හා අයිතිවාසිකම් සුරකිමින් විදුලිබල ක්ෂේත්රය දියුණු කිරීමට කටයුතු කරන්නේ යැයි ද බලශක්ති අමාත්ය ඉංජිනේරු කුමාර ජයකොඩි පවසයි.
පසුගිය රනිල්-රාජපක්ෂ රජය විදුලිබල ක්ෂේත්රය පුද්ගලිකකරණ වැඩපිළිවෙළක් හරහා විශේෂයෙන්ම සේවක වරප්රසාදල අයිතිවාසිකම් සම්බන්ධයෙන් සැලකිල්ලක් නොදක්වමින් ක්රියාත්මක කළ වැඩ පිළිවෙළ පරාජය කළ බව ද ඇමතිවරයා පවසා සිටියි.
“අපි වෘත්තීය සමිති සමග කළ සාකච්ඡාවේ දී ලංකා විදුලි සේවක සංගමය ඇතුළු සියළු වෘත්තීය සමිති එක්ව ඉදිරිපත් කළ යෝජනා ඉතා සැලකිල්ලෙන් විමසා බලා ප්රායෝගික ක්රියාත්මක කළ හැකි ඉල්ලීම් දැනටමත් බලශක්ති අමාත්යංශය, විදුලි බල ප්රතිව්යහුහගත කාර්යංශය හා විදුලි බල මණ්ඩලය හැටියට ක්රියාත්මක කිරීම අරඹලා තිබෙන්නේ.” ඇමතිවරයි කියයි.
රාජ්ය හිමිකාරීත්වය ඇතිව හැදෙන සමාගම් 04කට සෑම සේවකයෙක්ම අනුයුක්ත කරමින් දැනුම්දීම දැනටම කර ඇති බවත් සේවකයන්ගේ රැකියා සුරක්ෂිතතාවය පිළිබඳ කිසිම ගැටලුවක් මතුනොවන බවත් ඇමති කුමාර ජයකොඩි අවධාරණය කරයි.
“ඒවාට සම්බන්ධ වෙන්නට අකමැති සේවකයන්ට සිය කැමැත්තෙන් වන්දි ලබාගෙන විශ්රාම යාමේ ක්රමවේදයක් සකස් කරලා තිබෙනවා. එය නීතිමය අවශ්යතාවයක් මිස සේවකයන් ගෙදර යැවීමේ අවශ්යාතාවක් නොවෙයි. ඒ වගේම සාධාරණ සහ ප්රායෝගික සේවක ඉල්ලීම් ඉෂ්ට කරන්න අපි කවදාවත් පසුබට වන්නේ නෑ…”
“ ප්රතිසංස්කරණ ක්රියාවලිය තුළදිත් කිසිම සේවකයෙකුගේ වරප්රසාද අහිමි කිරීමට හෝ කප්පාදු කිරීමට ජනතා රජයක් හැටියට අප කටයුතු කරන්නේ නෑ. එහෙත් රජයක් හැටියට රටට අඛණ්ඩව විදුලිය සැපයුමක් ලබා දීමට අප බැඳී සිටිනවා. අදාළ සෑම පාර්ශවයක්ම ඒ බව වටහාගෙන ක්රියා කරනු ඇතැයි අපේක්ෂා කරනවා.” අමාත්යවරයා වැඩිදුරටත් පැවසීය.
ප්රවෘත්ති දෙපාර්තමේන්තුවේ ඊයේ (15) පැවති ප්රවෘත්ති සාකච්ඡාවේදී ඇමතිවරයා මේ බව කීවේය.
