- දැනට කුලපති හිමියන්ගේ අභයාරාම ගොඩනැගිල්ලක තට්ටු දෙකකට මාස තුනක කුලිය ලක්ෂ 36ක් ගෙවලා…
- කාර්යාල පිහිටුවන්නේත් නැතිව එක තට්ටුවක් වෙනුවෙන් ලක්ෂ 15ක්…
ලලිත් චාමින්ද
මධ්යම සංස්කෘතික අරමුදලේ ප්රධාන කාර්යාලය පවත්වාගෙන යාම සඳහා ඉකුත් වසර හතර තුල (2017 මාර්තු මස සිට 2021 මාර්තු දක්වා) ගොඩනැගිලි කුලිවශයෙන් රුපියල් හැටපන් කෝටි අසුහය ලක්ෂ දෙදහස් හත්සිය පනස් හතක ( 65,862,757) මුදලක් අරමුදල විසින් ගෙවා ඇති බැව් ජාතික විගණන කාර්යාලය මගින් නිකුත්කොට ඇති නවතම විගණන වාර්තාවක සඳහන් වේ.
කුලී පදනම වශයෙන් අදාල ගොඩනැගිල්ල තෝරාගැනිමේ දි ප්රසම්පාදන ක්රියාවලිය අනුගමනය කරනොතිබු බවද විගණනය මගින් අනාවරණය කොට ඇත.
මේ නිසා විකල්ප අවස්ථා ඇගයිමෙන් ප්රශස්ථම විසඳුම් තෝරාගැනිමට තිබු අවස්ථාව අරමුදලට අහිමිවි තිබු බවද විගණන වාර්තාවේ සඳහන් වේ. මධ්යම සංස්කෘතික අරමුදලේ ප්රධාන කාර්යාලයේ අලුත්වැඩියා කටයුතු සිදුකරණ තෙක් සිමාසහිත නාගරික ආයෝජන හා සංවර්ධන පුද්ගලික සමාගමට අයත් සෙත්සිරිපායේ 11 වැනි අදියරේ 4 වැනි මහලෙහි ඩි පර්යන්තය කුලි පදනම මත තෝරාගෙන තිබුණි.
එහෙත් ප්රධාන කාර්යාලයේ කිසිදු අලුත්වැඩියා කිරිමකින් තොරව 2021 මාර්තුමස නැවතත් අරමුදලේ කාර්යාලය පැරණි ගොඩනැගිල්ල වෙත රැගෙන ගොස් තිබුණි.
එම පැරණි ගොඩනැගිල්ල තුළ අරමුදලේ සියලු අංශ පවත්වාගෙන යාමට ප්රමාණවත් නොවිම හේතුවෙන් නැවන වතාවක් මාසිකව රුපියල් 415000ක කුලිමුදලකට කොළඹ 07 බුලර්ස් පටුමගේ පිහිටි පුද්ගලික ස්ථානයක් ලබාගෙන කාර්යාලයේ කොටසක් 2021 මාර්තු මස 16 වැනිදින සිට ස්ථාපිත කොට තිබුණි.
මෙම පුද්ගලික ගොඩනැගිල්ල තුළ අරමුදලේ පාලන, මාධ්ය හා සංචාරක ප්රවර්ධන යන අංශ පමණක් මාස 08ක කාලයක් පවත්වාගෙන ගොස් තිබුණි. ඒ සදහා කුලි මුදල් වශයෙන් රුපියල් 33,20, 000ක මුදලක් ගෙවා තිබුණි. පසුව එම අංශද කොළඹ 07 පිහිටි පැරණි ගොඩනැගිල්ල වෙත 2021 නොවැම්බර් මස 16 වැනිදින රැගෙන ගොස් තිබුණි.
නැවත වතාවක් වසර දෙකක කාලයක් සදහා (2021 දෙසැම්බර් මස 21වැනිදින සිට 2022 පෙබරවාරි 28 දක්වා) නාරහේන්පිට අභයාරාමය සතු ගොඩනැගිල්ලකට මහල් දෙකක් රුපියල් ලක්ෂ දොළහක මාසික කුලිපදනම මත ලබාගෙන තිබුණි. ඒ අනුව 2021 දෙසැම්බර් 01 වැනිදින සිට 2022 පෙබරවාරිමස 28 දක්වා මාස තුනක කාලයක් සදහා කුලි මුදල් ලෙස අභයාරාමයට ලක්ෂ තිස් හයක මුදලක් ගෙවා තිබුනද එම දෙවැනි මහල 2022 පෙබරවාරි මස 14 දිනතෙක් පරිහරණය කර නොතිබු බවද විගණන වාර්තාවේ සදහන් වේ.
එම මහල සදහා අදාල කාලයට ගෙවා ඇති කුලිය රුපියල් ලක්ෂ 15ක් පමණ වි තිබු අතර 2022 මාර්තු මාසය වනවිටත් කාර්යාලිය සැපයුම් අංශය එම මහල වෙත ගෙන ගොස් නොතිබු බවද විගණනය මගින් අනාවරණය කොට ඇත.
