රුපියල් එක් කෝටි විසි ලක්ෂයකට ආසන්න හිඟ මුදලක් ජල බිල්පත් සඳහා ගෙවීමට ඇති පාර්ලිමේන්තු මන්ත්රිවරුන් 76 දෙනා අතරින් 15 දෙනකු රුපියල් ලක්ෂ 32ක හිඟ ජල බිල්පත් තිබියදී මිය පරලොව ගොස් ඇති බව එම මණ්ඩලයේ ආරංචි මාර්ග සඳහන් කරයි.
මෙම මන්ත්රීවරුන් 15 දෙනාගෙන් අය විය යුතු මුදල මේ තත්ත්වය තුළ අය කර ගැනීමේ අපහසුතාවක් උද්ගතව පවතින අතර දැනට අමාත්ය ධුර දරමින් සිටි මන්ත්රීවරුන් පවා සිය නිල නිවාස ජල බිල්පත් විශාල ලෙස ගෙවීමට ඇති බව සඳහන් කරයි.
මෙම ආරංචි මාර්ගවලට අනුව දැනට අමාත්ය සහ රාජ්ය අමාත්ය වගකීම් උසුලන මන්ත්රිවරුන් ඇතුළු 34 දෙනකු ජල බිල්පත් ලෙස පාර්ලිමේන්තු මන්ත්රිවරුන් ලක්ෂ 44ක් ජල බිල්පත් ලෙස ගෙවීමට ඇති අතර දැනට මන්ත්රි වගකීම් නොදරන තවත් 27 දෙනකු රුපියල් ලක්ෂ 41ක මුදලක් ජල සම්පත් මණ්ඩලය වෙත ගෙවීමට ඇත.
ඔවුන් ගෙන් මෙම මුදල් අය කර ගැනීම විශාල අභියෝගයක් ව ඇතැයි එම ආරංචි මාර්ග සඳහන් කරයි.
