දිනසේන රතුගමගේ –
වවුනියාවේ නෙදුන්කේණී කරප්පුක්කුත්ති ප්රදේශයේ පිහිටි අනාරක්ෂිත වගා ළිදකට ඇද වැටී සිටි වන අලින් දෙදෙනෙකුගෙන් එක් වන අලියෙකු එම ළිද තුළම මියගොස් සිටිය දී ඊයේ (26) හමුවී තිබේ.
වන ජීවී නිලධාරීන් විසින් අනෙක් වන අලියා ගොඩට ගෙන අසල කැළයට මුදා හැර ඇත.
ගොවීන් විසින් සකස් කරණ ලද අනාරක්ෂිත වගා ළිද බොහෝ කාලයකින් ප්රයෝජනයට ගෙන නොමැති නිසාත් ගොවීන් මේ වන විට එම ප්රදේශයට නිතර නිතර නොයන නිසාත් වන අලින් දෙදෙනා වගා ළිදට වැටී සිටිනු දැක නොමැත.
වෙනත් කාරණයක් සදහා කැළයට ගිය පුද්ගලයයෙකු ලිඳට එබී බලන විට වන අලින් දෙදෙනෙකු ළිදේ සිටිනු දැක වහාම ඒ බව ප්රදේශයේ ග්රාම නිලධාරීවරයාට දැණුම් දී තිබේ.
මේ සම්බන්ධයෙන් ග්රාම නිලධාරීවරයාගේ දැණුම් දීමක් මත වන ජීවී නිලධාරීන් ක්රියාත්මක වී එම ස්ථානයට පැමිණ බලන විට එක් වන අලියෙකු ළිද තුළම මියගොස් සිට ඇත.
බැකෝ යන්ත්රයක ආධාරයරෙන් ජීවත සිටි වන අලියා ගොඩට ගෙන කැළයට මුදා හැර මියගිය වන අලියාගේ සිරුරද ගොඩ ගෙන තිබේ.
මියගිය වන අලියා සම්බන්ධයෙන් පශ්චාත් මරණ පරීක්ෂණයක් සිදු කිරීමට පියවර ගෙන තිබේ.
