ශ්රියානි විජේසිංහ –
ලෝකයේ ළමා ලාදුරු වැඩි රටවල් අතර ශ්රී ලංකාව තුන්වන තැනට පත්ව ඇතැයි ද ලාදුරු මර්දන ව්යාපාරයේ අධ්යක්ෂ විශේෂඥ වෛදය ප්රසාද් රණවීර සඳහන් කරයි.
පසුගිය දශක දෙකක කාලය තුළ සෑම වසරකම අපේ රටෙන් සොයා ගන්නා ලද ලාදුරු රෝගීන්ගෙන් සියයට 10ක් වයස අවුරුදු 15ට අඩු දරුවන් බවත් මෙය ඉතා කණගාටුදායක තත්ත්වයක් බවත් අධ්යක්ෂවරයා පෙන්වාදේ.
ලාදුරු රෝගය තුරන් නොවූ ප්රාදේශීය ලේකම් කොට්ඨාශ 83ක් මේ වන විට හදුනාගෙන ඇති අතර රෝග අවදානම වැඩිම දිස්ත්රික්කයන්ගේ පාසල් 2000ක් තෝරාගෙන එම පාසැල් වෙත ලාදුරු තුරන් කිරීමේ පණිවිඩය ඇතුලත් දිනදර්ශන බෙදා දීම ආරම්භ කිරීමට සූදානම් කර ඇතැයිද වෛද්ය රණවීර පවසා සිටියි.
ලාදුරු රෝග ලක්ෂණ සහිත දරුවන් හැකි ඉක්මනින් හඳුනා ගැනීමේ විශේෂ වැඩසටහන් මේ වන විටත් ක්රියාත්මක කර ඇතැයි ළමා ලාදුරු බෝනොවන බැවින් මෙය ඉක්මනින් හදුනාගෙන සුව කළ හැකි බවද අධ්යක්ෂවරයා පවසා සිටියි.
දරුවන්ට ලාඳුරු බෝවන්නේ වැඩිහිටියන්ගෙන් බැවින් වැඩිහිටියන්ගේ යුතුකම වන්නේ තම පවුල ලාදුරු රෝගීන් නොමැති සුරක්ෂිත පවුලක් බව තහවුරු කර ගැනීම යැයිද වෛද්ය රණවීර පවසා සිටියි.
