ශ්රි ලංකාවේ දමිළ ත්රස්තවාදයට සහය පළ කරමින් අරමුදල් රැස්කිරීම් බ්රිතාන්ය රජයට බලපෑම් කිරීම් ඇතුළු විශාල වැඩකොටසක් සිදු කළ බ්රිතාන්ය දමිල සංසදයට එය බංකොලොත් භාවයට පත් කිරීමට සිදුව ඇත.
මෙම තත්ත්වයට හේතු වී ඇත්තේ එහි සේවිකාවක ලිංගික අපයොජනයට ලක් කිරීම සම්බන්ධයෙන් අධිකරණයේ විභාග වූ නඩුවකින් අති විශාල වන්දි මුදලක් මෙම කාන්තාවකට ගෙවීමට සිදුවීමය.
මෙම කාන්තාවට බ්රිතාන්ය පවුම් 70,000ක් එනම් ශ්රි ලංකා මුදලින් රුපියල් එක් කෝටි 60 ලක්ෂයක මුදල ගෙවීමට තරම් තැන්පතු නොවීම හේතුවෙන් මෙම බ්රිතාන්ය දමිල සංසදය බංකොලොත් බවට පත් කොට වසා දැමමට සිදුව ඇත.
බ්රිතාන්යයේ මහාධිකරණයක් හමුවේ විභාග වුණු නඩුවේ මෙම පැමිණිලිකාරිය වූ එහි සේවිකාවක ලෙස කටයුතු කළ රෝෂිණී සිවගුරුනාදන් මහත්මිය නඩුවේ වගඋත්තරකරුවන් ලෙස බ්රිතාන්ය දමිළ සංසදය නම් කොට තිබිණ.
නඩුව විභාග කිරීමෙන් අනතුරුව එම සංසදය වැරැදිකරුවන් බවට තීන්දු නොට ඉහත වන්දි මුදල ගෙවන ලෙස නියම කොට ඇතත් එම වන්දි මුදල ගෙවීමට තරම් ප්රමාණවත් මුදල් නැතැයි පවසමින් එය බ්රිතාන්යයේ ව්යාපාර සහ ආයතන බංකොලොත් කිරීමේ පනතට අනුව බංකොලොත් භාවයට පත්කිරීමට පියවර ගෙන ඇති බව වාර්තා වේ.
කෙසේ වුවද මෙය අදාළ වන්දි මුදල ගෙවීම පැහැර හැර පසුව වෙනත් නමකින් යලි ලියාපදිංචි වීමේ නිතිමය ප්රයෝගයක්ද යන්න පිළිබඳවද සැකයක් මේ වනවිට නිර්මාණය වි තිබේ.
2006 වසර්දී මෙම සංසදය ආරම්භ කෙරුණු අතර එල්.ටී.ටීඊ සංවිධානය විසින් උතුරු නැගෙනහිර සිදුකරගෙන ගිය වැඩපිළිවෙළ හමුවේ බ්රිතාන්ය රජයෙන් සහ යුරෝපා සංගමයෙන් රාජ්ය තාන්ත්රික සහයෝගයක් ලබා ගැනීමට තීරණාත්මක ලෙස මැදිහත් වූ සංවිධානයක් වන්නේ බ්රිතාන්ය දෙමළ සංසදයයි. එය එරට විශාලතම දෙමළ සංවිධානය ලෙසද සැලකෙයි.
