දිනසේන රතුගමගේ –
යාපනය තෙලිප්පලෙයි රෝහලට ඇතුළත් කරණ ලද මානසික රෝගී කාන්තාවක් රෝහල පිරිසිදු කරණ සේවකයෙකු විසින් ඊයේ (11) දූෂණය කොට තිබේ.
සිද්ධියත් සමගම බියට පත්ව කෑ ගැසූ එම රෝගී කාන්තාව දෙසට ගිය වෙනත් රෝහල් සේවකයින් පිරිසක් සැකකරුව අල්ලා තෙලිප්පලෙයි පොලීසියට බාර දී ඇත.
කිළිනොච්චියේ පදිංචි 35 හැවිරිදි කාන්තාවක් මානසික රෝගයක් සඳහා කාලයක සිට යාපනය තෙලිප්පලෙයි රෝහලෙන් ප්රතිකාර ලබා ගන්නා අතර එදින ඇයව පරීක්ෂණ කීපයක් සිදු කිරීම පිණිස රෝහලේ අංක 3 වාට්ටුවේ නවතා ගෙන තිබේ.
මේ අතරවාරයේ රෝහල පිරිසිදු කිරීමට පැමිණි සේවකයෙකු ඇය ප්රතිකාර ලබමින් සිටි යහන මතදීම බලහත්කාරයෙන් දූෂණය කොට ඇත.
රෝහලේ අධිකරණ වෛද්ය නිලධාරීවරයා විසින් එම කාන්තාව පරීක්ෂා කොට නිකුත් කරණ ලද වෛද්ය වාර්තාවේ සදහන් කොට ඇත්තේ එම කාන්තාව වාර දෙකක් දූෂණය කොට ඇති බවයි. බලහත්කාරයෙන් ඇයව දූෂණය කිරීම නිසා ඇය තුවාල ලබා තු ඇති බවද එම වාර්තාවේ සඳහන් වෙයි.
තෙලිප්පලෙයි පොලීසිය විසින් අත් අඩංගුවට ගන්නා ලද සේවකයා මල්ලාකම් අධිකරණය වෙත ඉදිරිපත් කිරීමට තෙලිප්පලෙයි පොලීසිය පියවර ගෙන තිබේ.
