කොළොන්නාව තෙල් පිරිපහදුව තුළ ඉන්ධන පිරවීම සහ බෙදා හැරීම අ නතර කිරීමේ වෘත්තීය සමිති ක්රියාමාර්ගය අඛණ්ඩව ඉදිරියට ගෙන යෑමට ලංකා ඛනිජ තෙල් නීතිගත සංස්ථාවේ වෘත්තීය සමිති තීරණය කර තිබේ.
ඛනිජ තෙල් නීතිගත සංස්ථාව පෞද්ගලීකරණය කිරීමට රජය ගෙන යන වැඩපිළිවෙළට එරෙහිව මෙම වෘත්තීය සමිති ක්රියාමාර්ගය ආරම්භ කෙරුණේ කොළොන්නාව ඛණිජතෙල් ගබඩා පර්යන්තය ඉදිරිපිටය.
ඛනිජ තෙල් නීතිගත සංස්ථාවේ පොදු සේවක සංගමයේ සභාපති ආචාර්ය අශෝක රන්වල මාධ්ය වෙත කියා සිටියේ වෘත්තීය ක්රියාමාර්ග හේතුවෙන් මෙරටට ඉන්ධන බෙදා හැරීම ඇණහිට ඇති බවයි.
ඛනිජ තෙල් නීතිගත සංස්ථාව පෞද්ගලීකරණය කිරීමට ගත් තීරණය සම්බන්ධයෙන් ඔවුන් විදුලිබල හා බලශක්ති අමාත්ය කාංචන විජේසේකරට අභියෝග කළේය.
රට පුරා ඉන්ධන බෙදා හැරීමේ ක්රියාවලිය නැවැත්වීමතමන්ට බලය ඇති බවත් වෘත්තීය සංවිධානයක බලය අවතක්සේරු කිරීමට කටයුතු නොකරන ලෙසත් සභාපතිවරයා ඇමතිවරයා වෙත දැනුම් දුන්නේය.
ඇමතිවරයා හෝ ජනාධිපතිවරයා ඛනිජ තෙල් නීතිගත සංස්ථාවේ වෘත්තීය සමිතිවලට ඇහුම්කන් නොදුන්නොත් ලංකා විදුලිබල මණ්ඩලයේ (ලංවිම) සහ ශ්රී ලංකා වරාය අධිකාරියේ සහාය ඇතිව රටපුරා දැවැන්ත වෘත්තීය ක්රියාමාර්ගයක නිරත වීමට තීරණය කර කර ඇතැයි අශෝක රන්වල කීවේය.
එවැනි තැනකට වෘත්තීය සමිති තල්ලු නොකරන ලෙසත්, රජයේ ආයතන සතු කොටස් පෞද්ගලික සමාගම්වලට විකිණීමට අනුමැතිය ලබා දෙන කැබිනට් තීරණය ඉවත් කිරීමට කඩිනම් පියවර ගන්නා ලෙසත් අශෝක රන්වල ඇමැතිවරයාට කීවේය.
අද දිනයේ තමන් සමඟ සාකච්ඡාවකට ඉදිරිපත් විය යුතු බවට අමාත්යවරයාගෙන් ඉල්ලා සිටි වෘත්තීය සමිති එකමුතුව කියා සිටියේ ඛණිජ තෙල් නීතිගත සංස්ථාව ලාභ ලබන ආකාරය පිළිබඳව අමාත්යවරයාට උපදෙස් ලබා දිය හැකි බවයි.
