රාජකාරී වෙලාව තුළ රාජ්ය සේවකයන් ජංගම දුරකථන හරහා සමාජ ජාලවල සැරිසරන බවට තමන්ට නිරීක්ෂණය වී ඇති බවත් මෙම තත්ත්වය ඔවුන්ගෙන් සේවය ලබා ගැනීමට එන ජනතාවට බාධාවක් ව ඇති බැවින් එය පාලනය කිරීම සඳහා චක්රෙල්ඛයක් නගෙ ඒමේ හැකියාව පිළිබඳව තමන් සලකා බලන බවත් රාජ්ය පරිපානල අමාත්යංශයේ නව ලේකම් නීල් බණ්ඩාර හපුහින්න මහතා පවසයි. 2023 වසරේ පළමු දි අමාතයංශයේ රාජකාරී කටයුතු උත්සවාකාරයෙන් අරම්භ කරමින් ඊයේ (02) අමාත්යංශ සේවකයන් අමතමින් ඔහු මේ බව ප්රකාශ කර තිබේ.
එහිදී අදහස් දක්වමින් ලේකම්වරයා පවසා ඇත්තේ රාජ්ය ආයතන තුළ සේවකයන් සිය රාජකාරී වේලාව තුළ ෆේස්බුක් වට්ස් ඇප් වැනි සමාජ ජාල ගිණුම්වල සැරිසැරීම පසුගිය කාලය තුළ දැඩි ලෙස වර්ධනය වී ඇති තත්ත්වය තුළ එය පාලනය කිරිමට දැඩි පියවර ගැනීමට අවශ්ය නම් ඒ සඳහා ද තමන් පසුබට නොවන බවයි.
“ මම දැකල තිබෙනවා සමහර රාජ්ය නිලධාරීන් තමන් සේවය ආරම්භ කළ සැණින් ෆේස්බුක් වට්ස්ඇප් වැනි සමාජ ජාල තුළ සිය ස්මාර්ට් ජංගම දුරකථන භාවිත කරමින් සැරිසරනවා. ඔවුන් ගෙන් සේවය ලබා ගන්නා රටේ ජනතාව හෝ වෙනත් ආයතන පිළිබඳව එහිදී තැකීමක් කරන්නේ නෑ. මේ තත්ත්වය නිසා ඇතැම් කටයුතු ප්රමාද වෙනවා. මේ තත්තවය පෞද්ගලික ආයතනවලත් ඇතිව තිබෙන අතර සමහර ආයතන රාජකරී වෙලාව තුළ සිය ජංගම දුරකථනය කිසිසේත් භාවිත කිරීමට ඉඩනොදෙන පසුබිමක් පවා නිර්මානය කර තිබෙනවා.
කොහොම වුණත් රාජකාරියට බාධාවක් වන අයුරින් මෙම මෙවලම් භාවිත කිරීම සීමා කිරීමට අදාළ ව චක්රලේඛයක් නිකුත් කිරීමේ හැකියාව පිළිබඳව සලකා බලනවා “ යයිද ඔහු සඳහන් කර ඇත.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
