-
නඩුව ඉවර වෙන තුරු රනිල් රකෂිත බන්ධනාගාරගත කරන්නැයි නීතිපති දෙපාර්තමේන්තුව අධිකරණයෙන් ඉල්ලයි…
2023 වසරේ සැප්තැම්බර් 22 සහ 23 දෙදින තුළ මහා බ්රිතාන්යයේ සිදුකළ බව කියන සංචාරය පුද්ගලික සංචාරයක් නොව නිල සංචාරයක් බව පෙන්වීම සඳහා හිටපු ජනාධිපති රනිල් වික්රමසිංහ විසින් ඉදිරිපත් කරන ලද ආරාධනා පත්රයේ කිසිදු නීතිමය වලංගු භාවයක් නොමැති බව අතිරේක සොලිසිටර් ජෙනරාල් දිලීප පීරිස් අද (26) අධිකරණයට දැනුම් දුන්නේය.
අධිකරණයට කරුණු දක්වමින් අතිරේක සොලිසිටර් ජෙනරාල්වරයා මෙම ලේඛනය කිසිදු නීත්යානුකළ මෙවලමක් ලෙස පිළිගත නොහැකි බවත්, දැනට පවතින නඩු විභාගය අවසන් වනතුරු ඔහුට ඇප ලබා නොදී රක්ෂිත බන්ධනාගාරගත කරන ලෙසත් අධිකරණයෙන් ඉල්ලා සිටියේය.
මේ අවස්ථාවේ දී හිටපු ජනාධිපතිවරයා වෙනුවෙන් පෙනී සිටින අනුජ ප්රේමරත්න අධිකරණයට කරුණු දක්වමින් ජනාධිපති රනිල් වික්රමසිංහ මහතාගේ වත්මන් සෞඛ්ය තත්ත්වය පිළිබඳව පෙන්නුම් කළේය. දීර්ඝ කරුණු දැක්වීමකින් අනතුරුව මේ තත්ත්වය මත ඇප ලබා දෙන ලෙස ජනාධිපති නීතිඥවරයා අධිකරණයෙන් ඉල්ලුවේය.
සැකකාර රනිල් වික්රමසිංහ වෙනුවෙන් තිලක් මාරපන, අනූජ ප්රේමරත්න යන ජනාධිපති නීතිඥවරුන් ඇතුළු නීතිඥ මණ්ඩලයක් ඉදිරිපත් වී සිටිති.
පෞද්ගලික විදේශ සංචාරයක් ලෙස විමර්ශකයින් විසින් චෝදනා කරන සංචාරය රාජ්ය තාන්ත්රික සංචාරයක් බව තහවුරු කිරීම සඳහා ඉදිරිපත් කළ මෙම ලේඛනය නඩුවේ කේන්ද්රීය සාක්ෂියක් වූයේ.
සිය පුද්ගලික විදේශ සංචාරයක් සඳහා මහජන අරමුදල් රුපියල් මිලියන 16.6 ක් අවභාවිත කළ බවට චෝදනා එල්ල වූ රනිල් වික්රමසිංහ පසුගිය සිකුරාදා අත් අඩංගුවට ගෙන අද දින දක්වා රක්ෂිත බන්ධනාගාරගත කෙරිනි.
