රක්ෂිත බන්ධනාගාරගතව ජාතික රෝහලේ ප්රතිකාර ලබන හිටපු ජනාධිපති රනිල් වික්රමසිංහ මහතා අද (26) අධිකරණයට ඉදිරිපත් කළ නොහැකි බව විශේෂඥ වෛද්ය මණ්ඩලය දැනුම් දී ඇති බව බන්ධනාගාර දෙපාර්තමේන්තුවේ මාධ්ය ප්රකාශකවරයා පවසයි.
අධිකරණය අවශ්ය නම්, සූම් තාක්ෂණය හරහා ඔහු අධිකරණයට සම්බන්ධ කිරීමට පියවර ගන්නා බව බන්ධනාගාර දෙපාර්තමේන්තුවේ ප්රකාශකවරයා පවසයි.
සිය පුද්ගලික විදේශ සංචාරයක දී එක් රැයක් පහන් කිරීම සඳහා රුපියල් එක් කෝටි හැට හය ලක්ෂයක ජනතා මුදලක් අවභාවිතා කළ බවට චෝදනා ලබමින් පොදු දේපල පනත යටතේ අත් අඩංගුවට ගෙන අධිකරණයට ඉදිරිපත් කළ හිටපු ජනාධිපතිවරයා පසුගිය සිකුරාදා රක්ෂිත බන්ධනාගාරගත කෙරිනි.
අනතුරුව බන්ධනාගාර රෝහලට ඇතුළත් කළ හිටපු ජනාධිපතිවරයා ජාතික රෝහලේ බාහිර ප්රතිකාර ඒකකයටත්, පසුව ස්නායු දැඩි සත්කාර ඒකකයටත් අතුළත් කළේ විජලන තත්ත්වයක් මත ඇතිවු සංකූලතා හේතුවෙන් බව වෛද්යවරු කීහ. ජාතික රෝහලේ නියෝජ්ය අධ්යක්ෂ රුක්ෂාන් බෙල්ලන පැවසුවේ සඳුදා විශේෂඥ වෛද්යවරුන් ගන්නා තීරණයක් මත දැඩි සත්කාර ඒකකයේ සිටිනා හිටපු ජනාධිපතිවරයා අධිකරණයට ඉදිරිපත් කරනවා ද නැද්ද යන්න තීරණය වන බවත්, දැඩි සත්කාර ඒකකයේ සිටින රෝගියෙක් අධිකරණයට ඉදිරිපත් කරනවා ද නැද්ද යන්න අපටම සිතා බලන ලෙසත්ය.
මේ ලිපියත් බලන්න…
