ලලිත් චාමින්ද –
-
හොරු අල්ලනවා කියන්නේ දේශපාලන ඇරියස් කවර් කරගැනීමක් නෙමෙයි… ඒක මේ රට වෙනුවෙන් නීත්යානුකූලව සිදුවන සිදුවිය යුතු කටයුත්තක්…
රටතුළ පසුගිය කාලයේ දි සිදුවු මහාපරිමාන හොරකම් හා වංචා සොයා වැරදිකරුවන් අත් අඩංගුවට ගැනීම සමූපකාරයක් කඩා පොලිසිය එන විට පැන දුවන හොරු ඇල්ලීමට වඩා වෙනස් කටයුත්තක් බව ජාතික ජනබලවේගයේ ගාල්ල දිස්ත්රික් අපේක්ෂක රත්න ගමගේ පැවසුවේය.
ඉමදුව ප්ර දේශයේ පැවති රැස්විම් මාලාවකට එක්වෙමින් රත්න ගමගේ මහතා මේ බව සදහන් කළේය.
හෙතෙම මෙසේද කිවේය.
“පසුගිය රජයන් කාලයේ දි ජාත්යන්තර මට්ටමේ හොරකම් ටිකක් තමයි රට තුළ සිදුවෙලා තියෙන්නේ. සමුපාකාරයක් කඩලා දුවනකොට නම් පොලිසිය දමලා ටක් ගාලා අල්ලන්න පුළුවන් . මේ දැවැන්ත හොරකම් දූෂණවලට අදාලව නිතිමය කටයුතු කළ යුතුයි.”
“අනුර දිසානායක සහෝදරයා ජනාධිපතිවරයා වුනා කියලා තවත් දේශපාලන ව්යාපාර වලින් තරහක් පිරිමහ ගන්න ඇරියස් එකක් කවර් කරන්න නෙවෙයි අපි මේවා කරන්නේ. මේ රටේ තියෙන රාජ්ය දේපල ජාතික සම්පත් කොල්ල කෑ පුද්ගලයින් ඉන්නවා. රට තුළ අක්රමිකතා ඇතිවෙලා තියෙනවා. එවා නිත්යානුකුලව සොයාබලා පරික්ෂණ පවත්වමින් ක්රමාණුකුලව එයට අදාල නිතිමය කටයුතු කරලා අනාගතයේ දි අධිකරණය ඉදිරියට මේ හැම චූදිතයෙක්ම ගෙනියනවා. හිරේ දාන්න අවශ්යනම් හිරේ දමාවි.”
“මේක ඇරියස් එකක් කවර් කරන්න කලබලයෙන් කරන වැඩක් නෙවෙයි. හොරු ඇල්ලීමේ කටයුතු නිත්යානුකුල සිදුවේවි.” රත්න ගමගේ වැඩිදුරටත් සදහන් කළේය.
