-
විශේෂඥ පුහුණුව සඳහා සියලු දීමනා සහිතවර රටින් පිටවී සතියකින් හොර රහසේ රටට ඇවිත් පුද්ගලික රෝහලක වැඩ කර විදේශගතවීම සඳහා ලබාදුන් දීමනා හොරෙන් අරගෙන…
-
පසුගිය වසරේ නිවාඩු ලබාගෙන විදෙස්ගව වී අනුමත නිවාඩු අවසන් වීමට පෙර නැවත සේවයට වාර්තා නොකිරීමෙන් සේවය නවත්වලා…
-
විදේශ මුදල් වංචාවක් ගැන විමර්ශන පවතිද්දීත් සේවය නැවැත්වූ වෛද්යවරයා දේශපාලන හිතවත්කම් මත යළි හම්බන්තොට රෝහලට පත්වීම හදාගෙන…
-
ඔහුට එරෙහිව විනය පරීක්ෂණය සිදුකරන ලිපි ගොනු අතුරුදහන් වී ඇතිදැයි සැකයක්….
සේවය අතහැර ගියා සේ සලකා සේවය අවසන් කිරීමේ ලේඛන නිකුත් කර ඇති විශේෂඥ වෛද්යවරයෙකුගේ ලිපි ගොනුව නැවත සකස් කර හම්බන්තොට මහ රෝහලට විකිරණවේදී විශේෂඥ පත්වීම ලබා දීමේ සිදුවීමක් පිලිබඳව සෞඛ්ය අමාත්යංශයෙන් වාර්තාවේ.
මෙම විශේෂඥ වෛද්යවරයාට සහ නව රජයට හිතවත් විශේෂඥ වෛද්යවරියක් මැදිහත්වී මොහුගේ පුද්ගලික ලිපිගොනුව සෞඛ්ය අමාත්යංශයේ නියෝජ්ය අධ්යක්ෂ ජනරාල්වරයෙක් සමඟ එක්වී රාජ්ය සේවා කොමිසමට යොමුකර නැවත හම්බන්තොට රෝහලේ සේවයේ පිහිටුවා ඇතැයි එම වාර්තා තවදුරටත් පැහැදිලි කර සිටියි.
කොළඹ ජාතික රෝහලේ සේවය කරමින් සිටින අතර තුර 2019 වසරේදී මාස 6කට විශේෂ පුහුණුවක් සඳහා මෙම වෛද්යවරයා ඇමරිකාවට පිටත් කර හැර ඇත්තේ සෞඛ්ය අමාත්යංශය මගින් ලක්ෂ 30ට වැඩි වියදම් දරමින් බව පැවසේ.
එසේම මෙම විශේෂ පුහුණුව ලබන කාලය තුළ ඔහුට අදාල සියලු දීමනා සහිත වැටුප් ගෙවීමද සෞඛ්ය අමාත්යංශය මගින් සිදුකර ඇත.
විදේශ පුහුණුව සඳහා ලංකාවෙන් පිටත්ව ගිය මෙම විශේෂඥ වෛද්යවරයා සති දෙකක් ඇතුළත හොර රහසේ නැවත ලංකාවට පැමිණ ලංකාව තුළ පුද්ගලික රෝහල් සේවයේ නිතර වී ඇති බවද පැවසේ.
මොහු විදෙස් පුහුණුවට නොගොස් මුදල් ලබා ගැනීමේ සිද්ධියට සම්බන්ධයෙන් මේ වන විට සෞඛ්ය අමාත්යංශය මගින් විමර්ශනයක් සිදුකරන බව පැවසේ.
කෙසේ නමුත් 2024 වසරේදී නිවාඩු ලබාගෙන මෙම පුද්ගලයා විදෙස් ගත වූ අතර අනුමත නිවාඩු අවසන් වීමට පෙර මොහු නැවත සේවයට වාර්තා නොකළ අතර ඒ හේතුවෙන් සේවය අතහැර ගියා සේ සලකා සෞඛ්ය අමාත්යංශය මගින් ලිපි නිකුත් කර තිබේ.
විදේශ ගතව ටික දිනකට පසු නැවත මොහු ලංකාවට පැමිණ නැවත රැකියාව ලබා ගැනීම උත්සහ කර ඇති නමුත් මොහු සම්බන්ධයෙන් විමර්ශනයක් පැවැත්වෙන බැවින් සෞඛ්ය සේවා අධ්යක්ෂ ජනරාල්වරයාගේ අනුමැතිය ලබා ගැනීමට නොහැකි වූ බව වාර්තාවේ.
මෙම විශේෂඥ වෛද්යවරයා විසින් සිදුකළ වංචා දූෂණවලට අදාල ලිපිලේඛන විනාශ කොට ඇති බවට ද තොරතුරු සෞඛ්ය අමාත්යංශය සතුව පවතින බවත් ඔහුගේ නොසැලකිලිමත්භාවය හේතුවෙන් සිදුකළ ඇතැම් ප්රතිකාරනිසා රෝගීන් මියයෑම හා සදාකාලික ආබාධිත වීම් ප්රමාණයක්ද පවතින බවත් සෞඛ්ය අමාත්යංශ අභ්යන්තර ආරංචි මාර්ග සඳහන් කරයි.
නව රජය සම්බන්ධ වෛද්යවරිය හරහා මෙම විමර්ශන වලින් නිදහස් වීමට හෝ එසේ කරගැනීමට නොහැකි වුවහොත් ඉක්මනින් විශ්රාම වැටුප් සහිතව විශ්රාම ගොස් රටින් පැනයාමට උත්සහ කරන බවට තොරතුරු වාර්තා වී ඇති බවද අමාත්යංශය ආරංචි මාර්ග වැඩිදුරටත් පෙන්වාදේ.
