මෙම වසරේ වෙසක් පොහොය මැයි 30 වැනිදා ලෙස ප්රකාශයට පත් කරන බවත් එ අනුව රාජ්ය වෙසක් උත්සවය එදින පැවැත්වෙන බවත් රාජ්ය පරිපාලන, පළාත් සභා හා පළාත් පාලන අමාත්ය මහාචාර්ය චන්දන අබේරත්න මහතා මල්වතු සහ අස්ගිරි මහානාහිමිවරුන් දැනුවත් කළේය.
පොහොය කමිටුව විසින් මෙම වසරේ පොහොය මැයි මස පළමු වැනිදාට යෙදෙන පුර පසළොස්වක පොහෝ දිනය ලෙසට ප්රකාශයට පත් කර තිබූ අතර එය විසා නැකත නොයෙදෙන දිනයක් බැවින් එම නැකත යෙදෙන මැයි මස 30 වැනිදා පන් පොහෝ දින වෙසක් පොහොය දිනය බවට ප්රකාශ කළ යුතු බවට මතයක් නිර්මාණය විය.
ඒ අනුව මහ නායක හිමිවරුන්ද රාජ්ය පරිපාලන අමාත්යවරයාගෙන් සහ රජයෙන් ඉල්ලා සිටියේ මැයි මස 30 වැනිදාට යෙදෙන පොහෝ දිනය වෙසක් පොහොය ලෙසට නම් කරන ලෙසය. එසේම ශ්රි පාද වන්දනා සමය නිම වන දිනය ලෙසද එම පොහෝ දිනය යොදා ගන්නා බව ශ්රිපාද සථානාධිපති පූජ්ය බෙංගමුවේ ධම්මදින්න හිමියන්ද ප්රකාශ කර තිබුණි.
රජය මහ නාහිමි තීරණයට අවනත වෙමින් එලෙස යොදා ගත් වෙසක් පොහෝ දිනය වෙනස් කිරීමට පසුගියදා රැස්වූ පොහාය කමිටුවේදී තීරණයක් ගෙන ඇත
