යෝෂිත රාජපක්ෂ ඇප මත මුදා හැරීමට කොළඹ මහේස්ත්රාත් අධිකරණය නියෝග කළේය. රුපියල් ලක්ෂ 500 බැගින් වූ ශරීර ඇප දෙකක් මත ඔහු හැරීයේය.
මුදල් විශුද්ධිකරණය වැළැක්වීමේ පනත යටතේ අත්අඩංගුවට ගෙන රක්ෂිත බන්ධනාගාර ගත කර සිටි හිටපු යෝෂිත රාජපක්ෂ පිළිබඳ ගොනුවන මෙම නඩුව සම්බන්ධව දීර්ඝ කරුණු සලකා බැලීමකින් අනතුරුව කොළඹ අතිරේක මහෙස්ත්රාත් මංජුල රත්නායක ප්රකාශ කළේ සැකකරු තවදුරටත් රක්ෂිත බන්ධනාගාර ගත කිරීමට තරම් ප්රමාණවත් සහ අධිකරණය සෑහීමකට පත්වන ආකාරයේ කරුණු ඉදිරිපත් කිරීමට පැමිණිල්ල අසමත් වී ඇති බැවින් ඇප පනතේ ප්රතිපාදනවලට අනුව සැකකරු ඇප මත මුදා හරින බවය.
සැකකරුගේ විදේශ ගමන් තහනම් කළ අධිකරණය ඒ බව ආගමන හා විගමන පාලකවරයා වෙත දැනුම් දෙන ලෙසත් නියෝග කළේය.
ඒ අනුව සෑම මසකම අවසන් ඉරු දින පොලිස් මූල්ය අපරාධ විමර්ශන කොට්ඨාසයට වාර්තා කළ යුතු යැයි සැකකරුට නියෝග කළ මහෙස්ත්රාත්වරයා සාක්ෂිකරුවන්ට බලපෑම් කිරීමෙන් වළකින ලෙසත් නියෝග කළේය.
