එක්සත් ජාතික පක්ෂය සහ සමගි ජන බලවේගය සන්ධානගතවීම සම්බන්ධව කරුණු සොයා බැලීමට පත් කළ කමිටුවේ වාර්තාව අද පක්ෂයට භාර දෙන බව සමගි ජන බලවේග පාර්ලිමේන්තු මන්ත්රී ගයන්ත කරුණාතිලක පවසයි.
ඔහු මාධ්ය හමුවේ පැවසුවේ මෙවැන්නකි.
මෙ වනවිටත් ගම් මට්ටමින් බිම් මට්ටමින් පාක්ෂිකයින්ගෙන් ලොකු බලාපොරොත්තුවක් තියනවා මේ ප්රධාන වශයෙන් එකතුවීම ගැන. ඒ සඳහා ගම් මට්ටමින් අපේ පාක්ෂිකයින්ගේ ආශීර්වාදය ලැබිලා තියනවා.
සමගි ජන බලවේගයේ කළමනාකරණ කමිටුව රැස් වෙලා ඒකමතික තීරණයකට ආවා… එක්සත් ජාතික පක්ෂයත් සමග සහයෝගයෙන් වැඩ කරන්න එකඟ වුනා.
ඒ වගේම කළමනාකරණ කමිටුව ගත්ත තීන්දුව එක්සත් ජාතික පක්ෂයේ කෘත්යාධිකාරී මණ්ඩලයත් ඒකමතිකව අනුමත කරනු ලැබුවා.
ඒ අනුව පක්ෂයේ නායකතුමා විසින් කබීර් හෂීම් මන්ත්රීතුමාගේ සභාපතිත්වයෙන් කමිටුවක් පත් කළා ඉදිරියේ ප්රධාන විපක්ෂයවන සමගි ජන බලවේගයේ ප්රධානත්වයෙන් එක්සත් ජාතික පක්ෂය සමග කටයුතු කළ යුතු ආකාරය ගැන වැඩපිළිවෙළක් සකස් කරන්න කියලා. එම වැඩපිළිවෙළ අද පක්ෂයට භාර දෙන්න තීරණය කළා.
ගයන්ත කරුණාතිලක වැඩිදුරටත් කීවේය.
මේ අතර එක්සත් ජාතික පක්ෂයේ සභාපති වජිර අබේවර්ධන පැවසුවේ සමගි ජන බලවේගය හා එක්වීම පිළිබඳ සාකච්ඡාව ලබන බදාදා රැස්වන කලමනාකරණ කමිටුවේ දී හා කෘත්යාධිකාරී මණ්ඩලයේ දී සාකච්ඡාවට බඳුන් කරන බවය. කෙසේ වෙතත් ඔහු පැවසුවේ මේ ආණ්ඩුවෙන් බිඳ වැටුන පසු රට භාර ගැනීමේ වගකිමට එක්සත් ජාතික පක්ෂය නොපැකිලව ඉදිරිපත්වන බවය.
