යුරෝපා පාර්ලිමේන්තුවේ මන්ත්රීවරයකු ඇතුළු සිව්දෙනෙකු කටාර් රාජ්යයෙන් අලල්ස් ගත්බවට සැකකරමින් අත් අඩංගුවට ගෙන තිබේ.
ඒ අනුව ගල්ෆ් රාජ්ය විසින් අදාල මන්ත්රීවරයාට අල්ලස් ලබාදී ඇත්තේ යුරෝපා පාර්ලිමේන්තුවේ තීරණ වලට බලපෑම් කිරීමේ අරමුණින් බවට මේවන විට සැකකරන බවද විදෙස් මාධ්ය වාර්තා කරයි.
බෙල්ජියම් පොලිසිය විසින් මේ සම්බන්ධයෙන් විමර්ශන කරන විට බ්රසල්ස් නගරයේ ස්ථාන 16ක් සොදිසි කිරීමේදී යුරෝ ලක්ෂ හයක මුදලක් සොයා ගැනීමට සමත්ව ඇති බවත් විදෙස් මාධ්ය වාර්තා අනාවරණය කරයි.
විමර්ශන කරනු ලබන පොලිස් කණ්ඩායම් මෙම අල්ලස් දීමට මැදිහත් වූ රාජ්ය ප්රකාශයට පත් කර නොතිබුනද යුරෝපා මාධ්ය විසින් අදාල අල්ලස් දීම කටාර් රාජ්ය විසින් කරනු ලැබ ඇති බවට වාර්තා කර තිබිණි.
කටාර් රාජ්ය විසින් ඉතා සූක්ෂම පාර්ලිමේන්තුවේ සමාජිකයින් ඉලක්ක කරගෙන අදාල අල්ලස් ලබාදීම සිදුකර ඇති බවට මේවන විට චෝදනා එල්ල වී තිබේ.
මේ අතර බෙල්ජියම් නීති අංශ ප්රකාශකයෙකු නිවේදනයක් නිකුත් කරමින් කියා සිටියේ ගල්ෆ් රාජ්යයක් යුරෝපා පාර්ලිමේන්තුවේ ආර්ථික හා දේශපාලන තීරණවලට බලපෑම් කර ඇති බවට විමර්ශකයින් සැක කරන බවයි.
‟යුරෝපීය පාර්ලිමේන්තුව තුළ සැලකිය යුතු දේශපාලන සහ/හෝ මූලෝපායික තනතුරක් ඇති තුන්වන පාර්ශ්වයන්ට විශාල මුදලක් ගෙවීමෙන් හෝ විශාල ත්යාග පිරිනැමීමෙන් මෙය සිදු කරනු ලැබේ,” අදාල නිවේදනයේ සඳහන්ව තිබිණි.
ඒ අනුව අදාල විමර්ශනයට අදාල අත් අඩංගුවට ගෙත් පිරිසග් පරිඝනක සහ ජංගම දුරකථන ද ඒවායේ අඩංගු දෑ පරීක්ෂා කිරීම සඳහා පොලිසිය භාරයට ගෙන ඇත.
මේ අතර මෙවර පාපන්දු ලෝක කුසලානයේ සත්කාරකත්වය සිය රටට ලබා ගැනීමට ලෝක පාපන්දු සම්මේලනයේ ඉහළ නිලධාරීන්ට විශාල වශයෙන් අල්ලස් ලබා දී ඇති බවටද කටාර් රාජ්යට චෝදනා එල්ලවී තිබේ.
