යුද හමුදා බුද්ධි අංශ නිලධාරියෙක් වන අලි පහරදීමකින් මරණයට පත්ව ඇතැයි ගල්ගමුව පොලිසිය කියයි. මෙසේ මරණයට පත්ව ඇත්තේ තිස් හතර වියැති ඩබ්ලිව්.එස්.ජී.එච්. රුවන් මදුසංක මාලිංග සිරිසේන යන අයයි.
ඔහු බළල්ල යුද හමුදා කඳවුරේ පහළොස්වන කාලතුවක්කු රෙජිමේන්තුවට අනුයුක්තව සේවය කර සිට ඇත.
ඊයේ (07) දහවල් ගල්ගමුවේ මහගල්ගමුව ප්රදේශයේදී වන අලි පහරදීමකින් ඔහු එම ස්ථානයේදීම ගොස් තිබේ.
ට්රැක් පහ, දකුණු ඉවුර, රාජාංගනයේ ලිපිනයේ පදිංචි මෙම යුද හමුදා සෙබලා නිවාඩු ලබා සිටියදී තම බිරිඳ සමග යතුරුපැදියෙන් ගමන් කරන අවස්ථාවේදී මෙම වන අලි ප්රහාරයට ලක්ව තිබේ.
වන අලියා දැක යතුරුපැදියෙන් බැස දිවි බේරා ගැනීමට දිව යද්දී ඔවුන් පසුපස පන්නාගෙන ආ වන අලියා ඔහුට පහර දී තිබේ. ඔහුගේ බිරිඳ දිව ගොස් දිවි බේරා ගෙන ඇත.
වන අලි බහුලව ගැවසෙන ගල්ගමුව ප්රදේශයේ දිවා කාලයේදී ද වන අලි ගම්වල සැරිසරීම පිළිබඳව ගම්මු බියට පත්ව සිටිති.
මරණය පිළිබඳව වැඩිදුර පරීක්ෂණ කටයුතු ගල්ගමුව පොලිස් ස්ථානාධිපතිතුමාගේ උපදෙස් මත එම පොලිස් නිලධාරීහු පවත්වති.
