ඇමරිකානු ජනාධිපති ඩොනල්ඩ් ට්රම්ප් අඟහරුවාදා රාත්රියේ ඉරානයට පහර දීමේ සැලසුම් අනුමත කර ඇති බවත්, ඇමරිකාව ඊශ්රායල ප්රහාර සමඟ “එක්විය හැකි” බවත් ඩොනල්ඩ් ට්රම්ප් පැවසීමෙන් පසුව ද ඊයේ රාත්රිය පුරා ඉරානය සහ ඊශ්රායලය එකිනෙකාට ප්රහාර එල්ලකර ගත් ආකාරය විදෙස් මාධ්ය වාර්තා කරයි.
බීබීසී වාර්තා දක්වන්නේ ඇමරිකානු ජනාධිපති ඩොනල්ඩ් ට්රම්ප් අඟහරුවාදා රාත්රියේ ඉරානයට පහර දීමේ සැලසුම් අනුමත කළත් ඉරානයට පහර දිය යුතුද යන්න පිළිබඳව ඔහු මෙතෙක් අවසන් තීරණයක් ගෙන නොමැති බවය.
ඉරානය, රුසියාව, චීනය, පකිස්ථානය සහ ඇල්ජීරියාවේ ඉල්ලීම පරිදි එක්සත් ජාතීන්ගේ ආරක්ෂක මණ්ඩලය හෙට (20) හදිසි සැසියක් කැඳවා තිබෙන අතර, එහිදී පවතින ගැටුම පිළිබඳ සාකච්ඡා කිරීමට නියමිත බව වාර්තා වෙනවා.
මේ අතර රුසියානු ජනාධිපති ව්ලැඩිමීර් පුටින් සාන්ත පීටර්ස්බර්ග්හිදී මාධ්ය ප්රධානින් සමඟ පැවති වට මේස සාකච්ඡාවකදී ඊශ්රායලය සහ ඉරානය අතර ගැටුම ගැන අදහස් දක්වමින් පවසා ඇත්තේ ඉරානය මේ දක්වා රුසියාවෙන් කිසිදු සහයක් ඉල්ලා නොමැති බවය.
එමෙන්ම ඉරානයේ උත්තරීතර නායක අයතුල්ලා අලි කමේනි ඝාතනය කිරීමේ හැකියාව පිළිබඳව කතා තමන්ටත් ඇසෙන නමුත් ඒ ගැන සාකච්ඡා කිරීමට පවා අවශ්ය නොමැති බව පූටින් පවසා ඇත.
