සූරියවැව නුවන් ජයසේකර –
මාතර අපරාධ කොට්ඨාශයේ නිළධාරීන්ට ලද තොරතුරක් මත යාල රක්ෂිතයේ පිළිමගල ප්රදේශයේ සිදුකල වැටලිමකින් අක්කර 05ක කංසා හේනක් වටලා මෙරට නිශ්පාදිත ගිණි අවියක් සමග 53 හැවිරිදි සැකකරුවෙකු ඊයේ (21) සවස අත්අඩංගුවට ගෙන තිබේ.
මෙලෙස අත්අඩංගුවට ගෙන ඇත්තේ මහවැව, සූරිආර ,තණමල්විල පදිංචි 53 හැවිරිදි විවාහක පුද්ගලයෙකි.
යාල රක්ෂිතයේ පිළිමගල ප්රදේශයේ ඉතා රහසිගතව කංසා හේනක් පවත්වාගෙන යන බවට මාතර අපරාධ කොට්ඨාසයේ නිළධාරීන්ට ලද තොරතුරකට අනුව මෙම වැටලිම සිදුකර තිබේ.
වැටලීම සිදුකරන අවස්ථාව වන විටත් සැකකරු ගංජා හේනේ පැල වලට සාත්තු කරමින් සිට තිබේ. වැටලීමෙන් අඩි 06ක් පමණ උස අස්වනු නෙලීමට ආසන්නව පැවති කංසා ගස් ලක්ෂ 02ක ප්රමාණයක් අත්අඩංගුවට ගෙන තිබේ.
අත්අඩංගුවට ගත් කංසා අධිකරණයට ඉදිරිපත් කිරිමට සාම්පල ලබා ගැනිමෙන් පසු ගලවා ගිණිතබා විනාශ කර තිබේ. අත් අඩංගුවට පත් සැකකරු සන්තකයේ තිබී මෙරට නිශ්පාදිත ගිනි අවියක්ද පොලිසිය අත්අඩංගුවට ගෙන ඇත.
සැකකරු තිස්සමහාරාම මහේස්ත්රාත් අධකරණයට ඉදිරිපත් කිරීම සදහා කතරගම පොලිසියට බාර දි තිබේ. මාතර අපරාධ කොට්ඨාශයේ ස්ථානාධිපති ප්රධාන පොලිස් පරීක්ෂක සමරවික්රම,උප පොලිස් පරීක්ෂක ගමගේ, පොලිස් සැරයන් (53662) ගමගේ,පොලිස් කොස්තාපල් වරුන් වන (68274)සිරිබද්ධන,(75729)රන්දෙණිය,(76971)ප්රභාත් හා (80460)මදුරංග යන නිළධාරීන් එක්ව වැටලිම සිදුකර තිබේ.
