අනතුරට ලක් වූ එයාර් ඉන්දියා ගුවන් යානයේ දිවි ගලවා ගත් අයෙක් නොමැති බව නගර පොලිස් කොමසාරිස්වරයා උපුටා දක්වමින් ඇසෝසියේටඩ් ප්රෙස් වාර්තා කරයි.
“ගුවන් අනතුරෙන් දිවි ගලවා ගත් කිසිවෙකු නොමැති බව පෙනේ,” කොමසාරිස් ජී.එස්. මලික් ඇසෝසියේටඩ් ප්රෙස් වෙත පවසා තිබිණි.
යානයේ ගමන් කළ 169 දෙනෙකු ඉන්දියානු ජාතිකයන් වන අතර, 53 දෙනෙකු බ්රිතාන්ය ජාතිකයන්ය.
එක් කැනේඩියානු ජාතිකයෙක්, පෘතුගාල ජාතිකයන් 7ක් සහ කාර්ය මණ්ඩලය 12ක් ගුවන් යානයේ ගමන් කරමින් සිටියහ.
කාර්යාල සහිත නේවාසික ප්රදේශයක ගුවන් යානය කඩා වැටීමත් සමඟ, “සමහර ප්රදේශවාසීන් ද මිය යන්නට ඇත” යනුවෙන් ඔහු තවදුරටත් පැවසීය.
“තුවාල ලැබූවන් පිළිබඳ නිශ්චිත සංඛ්යාලේඛන තහවුරු කර ගනිමින් පවතී,” ඔහු පැවසීය.
අහමදාබාද් ගුවන්තොටුපළෙන් 242 ක් වූ මගීන් සහ කාර්ය මණ්ඩල පිරිසක් සමඟ ගුවන් ගත වූ වහාම ගුවන් යානය කඩා වැටී තිබිණි. කිසිම දේශගුණික බාධාවක් නොවුන වටපිටාවක ඉන්දියාවේ අහමදාබාද් ගුවන් තොටුපළෙන් ගුවන් ගත වී ටික වේලාවකට පසු එයාර් ඉන්දියා බෝයිං 787-8 ඩ්රීම්ලයිනර් යානය කඩා වැටී ඇති බවෆ්ලයිට්රාඩාර් 24 ගුවන් ගමන් නිරීක්ෂණ වේදිකාව පවසයි.
ගුවන් ගත වී එහි උපරිම උන්නතාංශය අඩි 625 දක්වා ළඟා වී විනාඩියකට අඩි 475ක වේගයෙන් සිරස් අතට යානය කඩා වැටී ඇත්තේ ගුවන් තොටුපළේ සිට කිලෝමීටර 1.7 ක් (සැතපුම් 1 ක් පමණ) පමණ දුරින් පිහිටි ස්ථානයක් වෙතය.
අනතුරට හේතුව තවමත් නිශ්චය කර නොමැති නමුත්, එහි දත්ත වලට අනුව, ගුවන් යානය ලන්ඩනයට දිගු දුර ගුවන් ගමනක් සඳහා සැලකිය යුතු ඉන්ධන ප්රමාණයක් රැගෙන ගිය බව වාර්තා වේ.
