ශ්රියානි විජේසිංහ –
වගකීම් විරහිතව තම සමාගමේ කීර්තිනාමයත් සමඟ සෙල්ලම් නොකරන්නැයි ප්රශ්නගත ඉන්දීය සමාගම සෞඛ්ය සේවා අධ්යක්ෂ ජනරාල්වරයාට, ජාතික ඖෂධ නියාමන අධිකාරියට, ඖෂධ නීතිගත සංස්ථාවට සහ වෛද්ය සැපයුම් අංශයට දෙසැම්බර් 19 වන දින ලිපියක් නිකුත් කරමින් දැනුම් දී ඇති බව රජයේ වෛද්ය නිලධාරීන්ගේ සංගමයේ මාධ්ය ප්රකාශක වෛද්ය චමිල් විජේසිංහ සඳහන් කරයි.
ඔවුන් මෙහිදී සඳහන් කර ඇත්තේ ඖෂධ පරීක්ෂා කිරීමට ජාත්යන්තර මට්ටමේ රසායනාගරයක් වෙත තම ඖෂධ යොමු කරන ලෙස යැයි වෛද්ය විජේසිංහ අවදාරණය කරයි.
මේ අනුව මෙම සමාගමේ ඖෂධ භාවිතයෙන් හානි සිදු වූ රෝගී ජනතාවට හානි පූර්ණය කර ගැනීමට නොහැකි තත්තවයක් උදාවනු ඇති බවද හෙතෙම පෙන්වදේ.
ඖෂධ සම්බන්ධ ගැටලු විසඳා ගැනීමට නම් ලෝක සෞඛ්ය සංවිධානයේ නිරිණායකයන්ට අනුව රසායනාගරයක් මෙරට තුළ ස්ථාපිත විය යුතු බවත් මෙය සෑදීමට රජය ට විශාල වශයෙන් මුදල් වියදම් කිරීමට අවශ්ය නොවන බවත් වෛද්යවරයා පෙන්වාදේ .
ජාතික ඖෂධ නියාමන අධිකාරියේ අරමුදල් තිබෙන අතර ලෝක සෞඛ්ය සංවිධානයේ උදව් ලබා ගත හැකි බවත් පෙන්වා දෙන වෛද්යවරයා මේ වන විට රසායනාගාරයක් සඳහා නාරාහේන්පිට ප්රදේශයේ ඉඩමක්ද වෙන්කර තිබෙන බවද හෙතෙම සඳහන් කරයි.
ජාත්යන්තර රසායනාගාරයක් සඳහා අවශ්ය වන්නේ ප්රතිපත්තිමය තීන්දුවක් ප්රකාශයට පත්කිරීම පමණක් බවත් මේ රජය සෞඛ්ය ක්ෂේත්රයේ ප්රමුඛතාවන් හඳුනා නොගැනීම මෙයට ප්රධානතම හේතුව වී ඇති බවත් පවසයි.
ඖෂධ නිෂ්පාදනයේදී , ලියාපදිංචියේදී, වෙළඳපලට නිකුත් කිරිමේදී වෙළඳපලට නිකුත් කිරීමෙන් පසුව අහඹු ලෙස සිදුකරන පරික්ෂා කිරීම් වලදී , පැමිණිලි ලැබීමේදී ඖෂධ පරික්ෂා කිරීමට ජාත්යන්තර මට්ටමේ රසායනාගාරයක් තිබීම අනිවාර්ය යැයිද වෛද්ය චමිල් අවධාරණය කරයි.
