පේරාදෙණිය විශ්වවිද්යාලයේ නියෝජ්ය මූල්යාධිකාරිවරයා ගේ සහ ව්යාපෘති කළමනාකාරවරයා ගේ සේවය විශ්වවිද්යාලීය පාලක සභාව විසින් අත්හිටුවා තිබේ.
මෙම සේවය අත්හිටුවීම සිදුකර ඇත්තේ විධිමත් පරීක්ෂණයකට යටත්ව ය.
ඔවුන් සේවයේ නිරතව සිටීම එම පරීක්ෂණ වලට බාධාවක් විය හැකි බැවින් ඔවුන් ගේ සේවය අත්හිටුවා පරීක්ෂණය සිදු කිරීම යෝග්ය බවට පාලක සභාව තීරණය කර ඇත.
පේරාදෙණිය විශ්වවිද්යාලයේ මහාචාර්වරියක ලෙස සේවය කරමින් සිටිය දී හදිසියේ මියගිය තම බිරිඳ ගේ රුපියල් මිලියන 07ක් පමණ වන අර්ථ සාධක අරමුදල්, හිඟ වැටුප් හා දීමනා ව්යාජ ලේඛණ ඉදිරිපත් කර ලබාගත් බවට නියෝජ්ය මූල්යාධිකාරිවරයාට චෝදනා එල්ල වී තිබේ.
විශ්වවිද්යාලයේ අරුණාචලම් ශාලාවේ ඉදිකිරීමකට අදාළව වැරදි මිල ගණන් ඉදිරිපත් කරමින් මූල්ය අක්රමිකතාවක් සිදුකළ බවට ව්යාපෘති කළමනාකාරවරයාට චෝදනා එල්ල වී තිබෙන අතර වැඩ තහනමට ලක්වීමට පෙර ඔහු ඉල්ලා අස්වීමේ ලිපියක් පාලනාධිකාරියට යොමුකර තිබූ බව ද වාර්තා වේ.
විශ්වවිද්යාලයේ අනධ්යයන කාර්ය මණ්ඩලය නියෝජනය කරන මෙම සේවකයින් දෙදෙනාට එල්ලවන චෝදනා සම්බන්ධයෙන් පරීක්ෂණයක් ආරම්භ කර තිබේ.
මෙම මූල්ය වංචා සම්බන්ධව පසුගියදා කෝප් කමිටුවේදී ද සාකච්ඡා වූ අතර ඒ සම්බන්ධයෙන් විධිමත් ක්රියාමාර්ග නොගැනීම පිළිබඳව විශ්වවිද්යාල පාලනාධිකාරියට ද එහි දී චෝදනා එල්ල විය.
