ලලිත් චාමින්ද –
විදේශසේවා නියුක්ති කාර්යංශය විසින් පළමුවරට විදේශගතවන ගෘහසේවිකාවන්ට බෙදාදීම සඳහා මිලදී ගෙන තිබු රුපියල් දොළොස්කෝටි, අසුදෙලක්ෂ,විසි නව දහස් තුන්සියයක් වටිනා (128,229,300) සතොස තෑගි වවුචර්පත් 13,005ක් බෙදානොදි ඉතිරිවී ඇති බැව් ජාතික විගණන කාර්යාලය මගින් නිකුත්කොට ඇති විගණන වාර්තාවක සඳහන් වේ.
විදේශසේවා නියුක්ති කාර්යංශය විසින් රුපියල් 5000ක් වටිනා තෑගි වවුචර්පත් 14,000ක් සහ රුපියල් 2500ක් වටිනා තෑගි වවුචර්පත් 28,000ක් සියයට එකක වට්ටම් යටතේ මිලදිගෙන තිබුණි.
මෙම තෑගි වවුචර්පත් 2023 වර්ෂයේ ඔක්තෝබර් මස 13 වැනිදින මිලදිගෙන තිබු අතර එම තෑගි වවුචර්පත්වල වටිනාකම රුපියල් දහතුන් කෝටි, අසු හය ලක්ෂයකි (138,600,000) මින් රුපියල් දොළොස් කෝටි, අසූ දෙලක්ෂ විසි නව දහස් තුන්සියයක් වටිනා (128,229,300) සතොස තෑගි වවුචර්පත් 13,005ක් 2024 අගෝස්තු මස 14 වැනිදින වනවිටත් බෙදා නොදී ඉතිරිවී තිබුණි.
ප්රථම වරට විදේශගතවන කාන්තාවන් පෙර විදේශගතව සිටි බවට ලියකියවිලි ඉදිරිපත් කර පුහුණවෙන් නිදහස් කර තිබිම හා මෙම වවුචර්පත් බේදාදිමේ උත්සවය පැවත්වීම ප්රමාද වීම මේ සඳහා හේතුවී තිබු බවද විගණනය මගින් අනාවරණය කොට ඇත.
විදේශසේවා නියුක්ති කාර්යංශයේ කළමණාකාරිත්වය විසින් විගණනයට සඳහන් කොට ඇත්තේ මෙම වැඩසටහන 2023 වර්ෂයේ ක්රියාකාරි සැලැස්මට ඇතුළත් වු නොවු අතර නව ක්රියාකාරකමක් ලෙස 2023 වර්ෂයේ ජුනි මස අධ්යක්ෂක මණ්ඩල පත්රිකාවක් මගින් අනුමැතිය ලබාගෙන ඇති බවය. මෙම වැඩසටහන 2023.11.24 වැනිදින ආරම්භ කිරීමට සිදුවු බවත් 2023 වර්ෂයේ දෙසැම්බර් මස 31 දිනට වවුචර්පත් 52ක් බෙදාදි ඇති බවත් 2024 අගෝස්තු මස 31 දින වනවිට වවුචර්පත් 1670ක් බෙදා දි ඇති බවත් කළමණාකාරිත්වය විසින් විගණනයට සඳහන් කොට ඇත.
