ලලිත් චාමින්ද –
මිල්කෝ පුද්ගලික සමාගම විසින් නිෂ්පාදනය කරණු ලැබු රුපියල් මිලියන 475.2ක් ( රුපියල් හතලිස් හත් කෝටි පනස් දෙලක්ෂයක් ) වටිනා කිරිපිටි කිලෝග්රැම් 720,000ක ප්රමාණයක් මිනිස් පාරිභෝජනයට නුසුදුසු බැවින් ඉකුත් වසර පහ තුළ (2018 -2022) සත්ත්ව ආහාර ලෙස අලෙවිකොට ඇති බැව් ජාතික විගණන කාර්යාලය පවසයි.
කර්මාන්තශාලා නවිකරණ ව්යාපෘතිය යටතේ නව යන්ත්රාගාරය සවිකිරිමෙන් පසු 2017 වර්ෂයේ ජුලි මස දි කිරිපිටි කිලෝග්රැම් 771,652ක් නිෂ්පාදනය කොට තිබුණි. එම කිරිපිටි දෝෂ රහිත බවට පරික්ෂණ වාර්තා නිකුත්කොට අලෙවිකොට තිබු බවද විගණන වාර්තාවේ සඳහන් වේ.
පසුව පාරිභෝගික පැමිණිලි හේතුවෙන් මිනිස් පාරිභෝජනයට නුසුදුසු මෙම කිරිපිටි තොගය නැවත ගබඩාව වෙත ගෙන්වා ගෙන තිබුණි. සත්ත්ව ආහාර ලෙස අලෙවි කිරිමෙන් පසු තවත් කිරිපිටි කිලෝග්රැම් 561,264 ක් 2022 වර්ෂයේ දෙසැම්බර් මස 31 වැනිදින වනවිටත් අඹේවෙල කර්මාන්තශාලාවේ ගබඩාකර තිබුණි.
පාරිභෝජනයට නුසුදුසු කිරිපිටි නිෂ්පාදනයට වගකිවයුතු නිලධාරින් සම්බන්ධයෙන් කිසිදු පරික්ෂණයක් පවත්වා නොතිබු බවද විගණනය මගින් අනාවරණය කොට ඇත.
මෙකී නිලධාරින් සම්බන්ධයෙන් විනය පරික්ෂණයක් පවත්වා වගකිවයුතු පාර්ශවයන්ගෙන් පාඩුව අයකරගත යුතු බවද විගණනය මගින් නිර්දේශකොට ඇත.
මේ පිළිබද මිල්කෝසමාගමේ කළමණාකාරිත්වය විසින් විගණනයට සදහන්කොට ඇත්තේ මිනිස් පාරිභෝජනයට නුසුදුසු ඉතිරි කිරිපිටි තොගයද විකිණිමට කටයුතු කර ඇති බවය.
එම තොග මේ වනවිට ඉවත්කරගැනිමට කටයුතු කරමින් පවතින බවද කළමණාකාරිත්වය විසින් විගණනයට සඳහන් කොට ඇත.
මිල්කෝ පුද්ගලික සමාගම සම්බන්දයෙන් 2020,2021,2022 දෙසැම්බර් මස 31 දිනෙන් අවසන් වර්ෂ සදහා ගණුදෙණු සම්බන්දයෙන් නිකුත්කරණු ලැබු විගණකාධිපති වාර්තාවේ මෙම තොරතුරු ඇතුලත්ව තිබුණි.
