අධිකරණ නියෝගත් කඩ කර අයවැයෙන් වෙන් කර ඇති මුදල් පළාත් පාලන මැතිවරණයට නිදහස් නොකිරීම සම්බන්ධයෙන් මුදල් අමාත්‍යවරයාට එරෙහිව අධිකරණයට කරුණු වාර්තා කරන බව පැෆ්රල් සංවිධානයේ විධායක අධ්‍යක්ෂ, රෝහණ හෙට්ටිආරච්චි පවසයි.
ඉදිරි දින කිහිපය තුළ සිය නීතිඥවරුන් මාර්ගයෙන් මේ පිළිබඳව අධිකරණයට කරුණු වාර්තා කරන්නේ යැයි විධායක අධ්‍යක්ෂවරයා කියයි.
මේ අතර ප්‍රජාතන්ත්‍රීය ප්‍රතිසංස්කරණ සහ මැතිවරණ අධ්‍යයන ආයතනයේ විධායක අධ්‍යක්ෂ, මංජුල ගජනායක කීවේ පළාත් පාලන මැතිවරණය නොපවැත්වීම සම්බන්ධයෙන් ජාත්‍යන්තරය දැනුවත් කළ බවය.
පවතින තත්ත්වය තුළ මැතිවරණය පැවැත්වීම සම්බන්ධව බොහෝ දේශපාලන පක්ෂවල ඇති උනන්දුවත් අඩුවී ඇති බව නිරීක්ෂණය වන්නේ යැයි මංජුල ගජනාකයක කියයි.
