මානව හිමිකම් කොමිෂන් සභාවත් පොලිසියට අනතුරු අඟවයි !

පොලිස් අඥාපනතේ විධි විධාන යොදා ගනිමින්, ආණ්ඩුක්‍රම ව්‍යවස්ථාවෙන් සහතික කර ඇති මූලික අයිතිවාසිකම් කඩ නොකරන්න යැයි ශ්‍රී ලංකා මානව හිමිකම් කොමිෂන් සභාව පොලීසියට අනතුරු අඟවා ඇත.
කිසියම් මූලික අයිතිවාසිකම් කඩවීමක් පිළිබඳ වාර්තා වුවහොත් රටට බරපතල ප්‍රතිවිපාකවලට මුහුණ දීමට සිදුවෙනු ඇතැයි කොමිෂන් සභාව පවසා තිබේ.
අද කොළඹදී පැවැත්වීමට නියමිත සාමකාමී විරෝධතාව සඳහා පොලිස් ආඥාපනත යටතේ පොලීසියෙන් අවසර ගන්න යැයි දැනුම් දී බවට පැමිණිල්ලක් වෘත්තිය සමිති හා මහජන ව්‍යාපාරය විසින් පැමිණිල්ලක් මානව හිමිකම් කොමිසමට ඉදිරිපත් කරන ලදී.
ඒ අනුව මානව හිමිකම් කොමිෂන් සභාව පොලීසියට අනතුරු ඇඟවීමක් කර ඇති අතර පැවැත්වීමට නියමිත සාමකාමී විරෝධතාව නිරීක්ෂණය කිරීම සඳහා මානව හිමිකම් කොමිසමේ නිළධාරීන් පිරිසක් යොදවන බව ද ඔවුන් පවසයි.