දිනසේන රතුගමගේ –
මහා වර්ෂාව මැද කැළයේ සිටි දිවියෙකු මුලතිව් පුදුකුඩීඉරිප්පු විශ්වමඩු ඉලංගෝවපුරම් ගම්මානයේ නිවසකට කඩා වැදී තිබේ.
ඊයේ (27) සිදුවූ මෙම සිද්ධියෙන් නිවැසියන් මෙම සිද්ධියෙන් බියට පත්ව කෑ කෝ ගසමින් නිවසේ එක් කාමරයකට දිව ගොස් සැග වී ඇත.
ගම්මානයේ පිරිසකට ඔවුන් දුරකතන ඇමතුම් ලබා දීමෙන් පසුව ගම්ම්වාසීන් මේ පිළිබදව වන ජීවී නිලධාරීන්ව දැනුම්වත් කොට තිබේ. වන ජීවී නිලධාරීන් පැමිණ මහ වැස්සේම ගම්වාසීන්ගේද සහය ලබා ගෙන දිවියා අල්ලා කූඩු කොට රැගෙන ගොස් ඇත.
මීට පෙර එක් අවස්ථාවක කිළිනොච්චිය හා මුලතිව් අතර සීමාවේ පිහිටි අම්බාල්කුලම් ගම්මානයටද විශාල දිවියෙකු පැමිණි අතර ගම්වාසී තරුණයින් හතර දෙනෙකුව දිවියා විසින් සපා කෑම නිසා තරුණයින් එක්ව දිවියාට පහර දී මරා දමා තිබුණි.
එම සිද්ධියට සම්බන්ධ තරුණයින් හය දෙනෙකු අත් අඩංගුවට පත් වී අධිකරණයට ඉදිරිපත් කිරීමෙන් පසුව ඔවුන්ට සිර දඩුවම් නියම වූ අතර එම බිය නිසා ගම්මානයේ තරුණයින් මෙවර දිවියාට හානියක් සිදුකොට නොමැත.
ඉලංගෝවපුරම් ගම්මානයට මෙවර පැමිණි දිවියා අඩි හතක් පමණ දිග ඉතා දුර්ලභ ගණයේ දිවියෙකි.
කැළයටද වර්ෂාව ඇද හැලෙන නිසා කැළයේ සිටින සතුන් ගම්මානවල නිවෙස් වලට පැමිණීඉමට ඉඩ ඇති බැවින් ජනතාව ඒ පිළිබදව දැඩි අවධානයෙන් සිටින ලෙස වන ජිවී නිලධාරීන් හා පොලීසිය ජනතාවට අනතුරු අඟවා තිබේ.
