ධීවර රාජ්ය අමාත්ය කාංචන විජේසේකරගේ මැදිහත්වීමෙන් සිදුවන දූෂණ වංචා සම්බන්ධයෙන් මනුෂ නානායක්කාර මන්ත්රිවරයා පාර්ලිමේන්තුවේදී ලේඛණ සහිතව කරුණු අනාවරණය කිරීමෙන් පසුව කුපිතවූ කාංචන විජේසේකර මන්ත්රීවරයා, මනුෂ නානායක්කාර මන්ත්රීවරයාට පහරදීමට දැඩි උත්සායක යෙදී තිබේ.
මනුෂ නානායක්කාර මන්ත්රීවරයා පාර්ලිමේන්තුවේදී සිය කතාව අවසන් කිරීමට පෙර කාංචන විජේසේකර රාජ්ය ඇමැතිවරයා විපක්ෂයේ ලොබිය දෙසට පැමිණ ‘‘වරෙන් මනුෂ… වරෙන්…මම උඹට ගහනවා’’යැයි අසභ්ය වචන භාවිතා කරමින් කෑ ගසා ඇත. ඒ අවස්ථාවේදී විපක්ෂයේ මන්ත්රීවරු කාංචන විජේසේකර මන්ත්රීවරයා අසලට ගොස් ඔහු විපක්ෂයේ ලොබියෙන් පිටත් කර යැවීමට උත්සාහ ගත්තද ඔහු දැඩි කලහකාරී ලෙස හැසිරෙමින් සිටියේය.
ඒ අවස්ථාවේදී මනුෂ නානායක්කාර මන්ත්රීවරයා, කලහකාරී ලෙස හැසිරෙමින් සිටි කංචන විජේසේකර මන්ත්රිවරයා මගහරිමින් පාර්ලිමේන්තුවේ වෙනත් දොරටුවකින් පිටතට පැමිණ තිබුණි.
මනුෂ නානායක්කාර මන්ත්රීවරයාට ඊයේ දිනයේදී ද පාර්ලිමේන්තුවේදී කතා කිරීමට තිබූ නියමිත කාලය ලබා නොදීම නිසා ඒ ගැන විමසීමට කතානායකවරයා අසලට ගිය විට ආණ්ඩු පක්ෂයේ ප්රධාන සංවිධානක ජොන්ස්ටන් ප්රනාන්දු ඇමැතිවරයා කුණුහරුප කියමින් එතැනට පැමිණ තිබුණි. කාංචන විජේසේකර රාජ්ය ඇමැතිවරයා එතැනට පැමිණ මනුෂ නානායක්කාර මන්ත්රීවරයා තල්ලුකර දමා තිබුණි.
මේ ගැන පාර්ලිමේන්තුවේදී අදහස් දැක්වූ විට නැගී සිටි කංචන විජේසේකර රාජය ඇමැතිවරයා පැවසුවේ තමන් ඊයේ දිනයේදී මනුෂ නානායක්කාර මන්ත්රීවරයාට පහර දුන්නේ නම් අද දිනයේදී කතා කිරීමට මෙතැන නොසිටින බවය.
