මත්පැන් සදහා සුරාබදුවල සංශෝධනයක් සිදුකරමින් මුදල් අමාත්යාංශය විශේෂ ගැසට් නිවේදනයක් නිකුත් කර තිබේ.
- ඒ අනුව ශ්රී ලංකාව තුළ නිෂ්පාදිත විශේෂ අරක්කු සඳහා යොදාගන්නා මධ්යසාර ලීටරයක් මත පැනවෙන බද්ද රුපියල් 7,244කින් වැඩිවේ.
- මෙරට තුළ නිෂ්පාදිත මොලෑෂස්, තල්, පොල් සහ පදම් කළ අරක්කු සඳහා යොදා ගැනෙන මධ්යසාර ලීටරයක් මත පැනවෙන බද්ද රුපියල් 7,752ක් වේ.
- මෙරට නිෂ්පාදිත විදෙස් මත්පැන් සඳහා යොදාගන්නා මධ්යසාර ලීටරයක් සඳහා රුපියල් 7,969ක බද්දක් පනවා තිබේ.
ඒ අනුව මෙලස මධ්යසාර කාණ්ඩ 9ක් සඳහා අය කෙරෙන බදු අද සිට සංශෝධනය කර ඇත.
- මෙම නව බදු සංශෝධනත් සමග රුපියල් 3,580ක් වූ ගල් අරක්කු බෝතලයක මිල රුපියල් 102කින් ඉහළ නැංවේ. ගල් අරක්කු බෝතලයක නව මිල රුපියල් 3,682 කි
- රුපියල් 3,850ක් වූ පොල් අරක්කු බෝතලයක මිල ඉහළ නැංවෙන්නේ රුපියල් 109කිනි. පොල් අරක්කු බෝතලයක නව මිල රුපියල් 3,959කි.
- එමෙන්ම පරණ අරක්කු බෝතලයක මිල රුපියල් 4,000ක්ව පැවති අතර, එහි මිල රුපියල් 109කින් ඉහළ නංවා තිබේ. පරණ අරක්කු බෝතලයක නව මිල 4109කි.
- රුපියල් 4,250ක් වූ අති විශේෂ පරණ අරක්කු බෝතලයක මිල ද රුපියල් 109කින් වැඩිවනු ඇත. අති විශේෂ පරණ අරක්කු බෝතලයක නව මිල රුපියල් 4,359කි.
මේ අතර සැර අඩු බියර් බෝතලයක් රුපියල් 30කින් වැඩිවන අතර, සැර වැඩි බියර් බෝතලයක් රුපියල් 40කින් වැඩිවනු ඇත.
- දේශීයව නිපදවන විදේශීය විස්කි බෝතලයක මිල ද රුපියල් 100කින් ඉහළ නංවා ඇත.
- එමෙන්ම විදේශීය මත්පැන් වර්ග ඒවායේ සැර ප්රමාණය අනුව මිල ඉහළ නැංවෙනු ඇත.
එමෙන්ම අද (11) සිට ක්රියාත්මක වන පරිදි දුම්වැටි මිල ඉහළ දමා තිබේ.
ඒ අනුව කාණ්ඩ 4ක් යටතේ දුම්වැටියක මිල රු 5ක් සහ 10ක් ලෙස වැඩිකර ඇත.
CAPSTAN සහ John Player වර්ගයේ දුම්වැටියක් රුපියල් 5කින් සහ dunhill සහ මිමී 83 වර්ගයේ Gold Leaf දුම්වැටියක් රුපියල් 10කින් වැඩි කර තිබේ.
