තමන්ට වත්කමක් සේ ඇත්තේ පියාගෙන් ලැබුණු අක්කර තුනක පමණ අඹවත්තක් පමණක් බවත් මෝටර් සයිකලයක් හෝ තමන්ට නැති බවත් හිටපු ජනාධිපති මෛත්රිපාල සිරිසේන පවසයි.
තාත්තාගෙන් ලද අක්කර පහක කුඹුරු ඉඩම නංගිලා දෙන්නා වගා කරන බව ද ඔහු කියයි.
එවැනි තත්ත්වයක් තුළ කෝටි දහයක වන්දි මුදලක් සොයා ගැනීම බරපතල අභියෝගයක් බව පැවසූ හිටපු ජනාධිපතිවරයා හිරේ විලංගුවේ නොවැටී සිටීම වෙනුවෙන් නාම යෝජනා ලබා දී අවසන් වූ පසු රට පුරාම සිටින සිය හිතවතුන්ගෙන් සම්මාදම් කරමින් මෙම වන්දි මුදල එකතු කරගන්නා බව අද (20) මාධ්ය හමුවක් අමතමින් ඔහු කිවේය.
නඩු තින්දුව අනුව තමාට මේ වන්දිය ගෙවීමට සිදුවී ඇත්තේ තමන් පත්කළ නිලධාරීන් නිසි ලෙස වගකීම් ඉටු නොකළ නිසා පත්වීම් බලධාරියා ලෙස පැවරෙන වගකීම හේතුවෙන් බව හිටපු ජනාධිපතිවරයා පැහැදිලි කළේය.
මේ මුදල ඩඩ්ලි සිරිසේනගෙන් ඉල්ලා ගන්න බැරිද?. මාධ්යවේදියෙක් ඇසුවේය.
ඒගොල්ල සහෝදරයො උනාට ලොකු සමාගම්නෙ… හිටපු ජනාධිපතිවරයා සිනාසෙමින් කීවේය.
එම මාධ්ය සාකච්ඡාව නිවුස් වයර් වෙබ් අඩවිය මෙසේ වාර්තා කර තිබිණි.
