වගාවන් විනාශ කරන වඳුරන් මරා දැමීමට රජය ගොවීන්ට අවසර දී ඇති බව කෘෂිකර්ම අමාත්ය මහින්ද අමරවීර අද (17) පැවසීය.
අර්තාපල් ගොවීන් සමඟ පැවති සාකච්ඡාවකදී වඳුරන් නිසා එම ප්රදේශයේ අර්තාපල් වගා කිරීමට නොහැකිව වගාවන් විනාශ කරන බව ගොවීන් අමාත්යවරයා දැනුවත් කර තිබේ.
ඊට ප්රතිචාර දක්වමින් අමාත්යවරයා හෙළි කළේ, බෝග විනාශ කරන සතුන් හය දෙනෙකු වන මොනරුන්, වඳුරන්, රිලවුන්, දඬුලේනුන් , ඉත්තෑවන් සහ වල් ඌරන් ශ්රී ලංකාවේ සංරක්ෂිත සතුන් ලැයිස්තුවෙන් මෑතකදී ඉවත් කළ බවය.
එබැවින් උවදුර මැඬලීම සඳහා ඕනෑම ක්රියාමාර්ගයක් භාවිතා කිරීමට ගොවීන්ට නිදහස ඇති බව අමාත්ය අමරවීර පැවසීය.
විදේශයන්හි සිදු කරන ලද අධ්යයනයන් ඇතුළුව අධික පර්යේෂණ සිදු කිරීමෙන් පසු ගැටලුව විසඳීමට වෙනත් ක්රම නොමැති බව ඔප්පු වී ඇති බව ඔහු වැඩිදුරටත් සඳහන් කළේය.
