රටේ පවතින තත්වය මත ඉන්ධන සහ භාණ්ඩ මිල යම් මට්ටමකට වැඩිවීමක් සිදුවනු ඇති බව වනජීවි අමාත්ය සී බී රත්නායක මහතා පවසයි.
ජාත්යන්තර නැව් ගාස්තු, ගුදම් ගාස්තු ඉහළ නැංවීම, ඩොලර් අර්බුදය හේතුවෙන් එලෙස මිල ඉහළ යනු ඇති බව හෙතෙම කියා සිටී.
ශ්රී ලංකා පොදුජන පෙරමුණේ වනජීවි අමාත්ය සීබී රත්නායක මහතා විසින් අද පැවති මාධ්ය හමුවකදී මේ බව කියා සිටියේ ය.
“ඉන්ධන හිඟයකින් තොරව ජනතාවට ලබා දීමට අවශ්ය කටයුතු කරන්න රජයට වගකීමක් තිබෙනවා. කෙසේ හෝ එය ක්රියාත්මක කරගෙන යන්න විෂය භාර ඇමතිවරයා කළ යුතුයි. ආර්ථික වශයෙන් යම් ගැටලු තියනවා නම් ඒ සඳහා උදව් කරන්න විදේශ රටවල් සූදානම් වෙලා තිබෙනවා. ඉන්ධන තියෙන්නේ දවස් දහයකට කියලා එක එක්කෙනාට කියන්න පුළුවන්. නමුත් දවස් දහයකට නෙවෙයි තොග රැස් කිරීමත් තියෙනවා.
අපේ රටේ විතරක් නෙවෙයි ඇමරිකාවේ පවා සීයට හයකින් භාණ්ඩ මිල ගිහින් තියෙනවා. සමහර වෙලාවට එහෙම වෙන්න පුලුවන්. නමුත් ගන්න භාණ්ඩ තිබිය යුතුයි. ඒ සඳහා තමයි අපි සූදානම් වෙන්නේ .
අපට තේරුම් පූර්ව ලබන ආර්ථිකයක් නෑ. ඇඟලුම් වුණත් සීමිත මට්ටමක තියෙන්නේ. යුරෝපයෙන් ලබන ප්රතිචාර බැලුවහම ටිකක් අඩු වෙලා තියනවා. ඒ නිසා සංචාරක ව්යාපාරයට ප්රමුඛතාවය දිය යුතුයි කියන එක තමයි මම හිතන විදිය. මේ තත්ත්වය යටතේ අපි හිරකරගෙන ඉන්න හොඳ නෑ කිසිම මුදලක්. ඒක නිදහස් කරන්න ඕන. එය මගේ පෞද්ගලික මතය. එහෙම නැත්තං හැමදේම යන්නේ හොර පාරෙන් නේ. උදාහරණයක් විදියට ගත්තොත් ඩොලර් එක ගැන කතා කළොත් උන්ඩියල් කියන එක නතර කරගන්න බෑ. ඒකට නැත්තං ව්යාපාරිකයා වෙන එකක් ගන්නවා. මම මුදල් පිළිබඳ විශේෂඥයෙක් විශ්ලේෂකයෙක් නෙවෙයි. නමුත් රටක පරිහරණය වෙන දේවල් ගැන අධ්යයනය කළ යුතුයි.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
අවුරුදු හතර හමාරක් තිස්සේ අපි එකින් එක ආර්ථික පසුබෑමකට ලක් වෙමින් සිටිනවා. දිගම සිද්ධියත් එක්ක අරාබිකරයේ අය එන එක සම්පූර්ණයෙන් නතර වුණා. එතකොට ඩොලර් කොච්චරක් අපිට අහිමි වෙලා තියනවද ? සහරාන් ගේ සිද්ධිය එක්ක සිංහල අවුරුද්ද වෙසක් උත්සවය වත් අපි සැමරුවේ නැහැ. නුවර දළදා පෙරහර බලන්න වෙනම කණ්ඩායමක් එනවා. මගේ විෂය ගත්තොත් අර මන්නාරමේ සංචරණය වන කුරුල්ලො ටික බලන්න වෙනම අධ්යයන කණ්ඩායම් එනවා. එක්කෙනෙක්වත් ආවෙ නෑ. පහුගිය අවුරුද්දේ අවුරුද්ද ගේ සෞඛ්ය තත්ත්වය මත ගන්නා තීන්දු තීරණ මත ඔවුන් ආවෙ නෑ.”
