මනම්පිටිය නිමල් ජයරත්න –
දිඹුලාගල අධ්යාපන කලාපයේ අති දුෂ්කර පාසලක් වන නිදන්වල ප්රාථමික විද්යාලයේ ඉගෙනුම් ලබන සියලු සිසුන් සඳහා 2022 වර්ෂයට අවශ්ය පාසල් උපකරණ පරිත්යාග කිරීමට විජයබාහු පාබල රෙජිමේන්තුවට අයත් ආරක්ෂක මාණ්ඩලික ප්රධානි කාර්යාලය සේවයේ නියුතු ලුතිතන් කර්නල් රෝහණ ජයසිංහ ඇතුළු පරිත්යාගශීලින් පිරිසක් ඉදිරිපත් වූහ.
නිදන්වල ප්රාථමික විද්යාලයේ ඉගෙනුම ලබන සිසුන් හැටකට අවශ්ය පොත්, පෑන්, පැන්සල් කෑම පෙට්ටි ඇතුළු සියලුම පාසල් උපකරණ, ප්රශ්නෝත්තර කට්ටල ඇතුළු ඉගනුම් උපකරන ලබාදීම අද (22) පෙරවරුවේදී එම පාසලේදී සිදුවිය.
ලුතිතන් කර්නල් රෝහණ ජයසිංහ තම මිත්රයන් සහ පරිත්යාගශීලීන් ඒකරාශී කර ගනිමින් සෑම වර්ෂයකම දිඹුලාගල අධ්යාපන කලාපයේ දුෂ්කර පාසලක් තෝරා ගෙන එම පාසලේ සිසුන්ට අවශ්ය, සපත්තු, පොත් පත්, මෙන්ම පාසල් උපකරණ ලබාදීමට මැදිහත්වීම මාදුරුඔය වලමණ්ඩිය යුද හමුදා කඳවුරේ අණදෙන නිලධාරී ලෙස සේවය කරන කාලයේදී සිටම සිදුකරන්නේය.
තම ගම් වාසීන් වන අලි තර්ජනයෙන් මෙන්ම කොරෝනා වසංගතයෙන් පීඩා විඳින කාලයක යුද හමුදාවෙන් තම පාසලේ සිසුන්ට පාසල් උපකරණ පරිත්යාග කිරීම සිසුන්ට මෙන්ම දෙමව්පියන්ට මහත් ශක්තියක් බව, නිදන්වල ප්රාථමික විද්යාලයේ විදුහල්පති කේ. බී. ඒ. ප්රේමරත්න සඳහන් කළේය.
මෙම අවස්ථාවට, වලමණ්ඩිය යුද හමුදා කඳවුරේ අණදෙන නිළධාරිතුමා ඇතුළු යුධ හමුදා නිලධාරීන්,ගුරුවරුන්, දෙමව්පියන්, පාසල් සිසුන් මෙන්ම, ආදි සිසුන් සහ ගම්වාසීන් රැසක් ද එක්ව සිටියේය.
