විපක්ෂ නායක සජිත් ප්රේමදාස වර්ෂයේ මුල් මාස 06 තුළ ඇස්තමේන්තුගත වියදම් ලේඛන ඉදිරිපත් කරමින් තමන් තෝරා ගත අය වැය යෝජනා කීපයක් මත පදනම්ව මුළු අය-වැයටම කරන විවේචනය මුලුමනින්ම පදනම් විරහිත මෙන්ම අවිද්යාත්මක බවත් රජයේ අමාත්යාංශ 25 ඔක්තොම්බර් මස 30 වැනිදා වනවිට අය වැය යෝජනා සඳහා වෙන් කළ සමස්ථ මූල ධනයෙන් සියයට 63කට වඩා වියදම් කර ඇති බවත් ග්රාමීය සංවර්ධන, සමාජ ආරක්ෂණ සහ ප්රජා සවිබලගැන්වීම් අමාත්ය ආචාර්ය උපාලි පන්නිලගේ අද ( 11) පාර්ලිමේන්තුවට හෙළි කළේය.
ඔහු පෙන්වා දෙන්නේ පාර්ලිමේන්තුවේ අය වැය විශ්ලේෂණය අංශයෙන් මේ නවතම වාර්තාව නිකුත් කරන විට අය වැය යෝජනාවලට අදාල කාර්ය සාධනය වෙනුවෙන් තවත් මාස 03ක් ඉතිරි වී තිබුණු බවය.
ඔක්තොම්බර් මස 30 වැනිදා වනවිට ඇතැම් අමාත්යාංවල කාර්ය සාධනය සියයට 70ක් ඉක්මවා තිබුණු බව පෙන්වා දුන් ඇමතිවරයා 2025 මාර්තු මස ඉදිරිපත් කළ අයවැය යෝජනා මේ අන්දමට ඵලදායී කරගන්නේ සිංහල අලුත් අවුරුද්ද, සහ පාලාත් පාලන මැතිවරණය අතර තුර අත්හැරුනු කාලයත් සමග බව ද අවධාරණය කළේය.
අමාත්ය ආචර්ය උපාලි පන්නිලගේ පැවසුවේය.
“අය වැය ලේඛණය කියලා කියන්නේ විපක්ෂ නායක තුමා ගෙනහැර දැක්වුවා අය – වැය යෝජනාවල තිබුණ යම් යම් කරුණු කීපයක් විතරක්. පාර්ලිමේන්තුවට විසර්ජන පනතක් ඉදිරිපත් කරනවා. මුදල් අමාත්යවරයා විසින් අය-වැය කතාවක් ඉදිරිපත් කරනවා. විසර්ජන පනත එහි තියන කරුණු තවදුරටත් ගැඹුරින් විශ්ලේෂණය කිරීමත් අලුත් අය වැය යෝජනා ඉදිරිපත් කිරිමත් ඉන් සිද්ධ වෙනවා.”
“මේ අය වැය ලේඛනයක් කියන්නේ රජයේ ඉදිරි ගමන් මග සැලසුම් පිළිබඳ ප්රක්ෂේපණයක්. නමුත් කණගාටුවට කරුණ දැන් කියන්න උත්සාහ කළා අපේ රජයේ 2025 අය වැය ලේඛනය ඉදිරිපත් කළ කරුණු අප ඉටු කරලා නෑ කියලා.”
“කොහෙන්දෝ එකතු කරගත්තු … මම හිතන්නේ මුල් මාස 06 වාර්තාවක් උපුටාගෙන කියන්න උත්සාහ කළා විපක්ෂ නායක තුමා විසින් තෝරා ගත්තු ඇතැම් යෝජනා ඉටු කරලා නෑ කියලා.’
“මම සඳ හන් කරන්න කැමතියි 2025 වර්ෂයේ අපි ඉදිරිපත් කළ අය වැය ලේඛනයේ 2025 සැප්තැම්බර් 30 දක්වා ප්රගතිය. මේ වාර්තාව නිකුත් කරලා තියෙන්නේ අපේ පාර්ලිමේන්තුවේ බජට් රිවීව් රිසර්ච් ඩිවිෂන් එකේ නෙවැම්බර් 07 වැනිදා. ”
“අපේ අමාත්යාංශ 25ක් තියනවා. අමාත්යවරු 22ක් ඉන්නවා. අමාත්යාංශ 25 ප්රගතිය සියයට 63යි. ඒ මේ අවුරුද්දේ සැප්තැම්බර් 30 වැනිදා ට. තව මාස 03ක් තියනවා. සමහර අමාත්යාංශ සියයට 70ක් ඉක්මවා වියදම් කරලා තියනවා.”
“නමුත් ගරු නියෝජ්ය කථානායක තුමනි. මේ කොහොදේ තිබ්බ පරණ දත්ත ටිකක් ඉදිරිපත් කරලා කියන්න උත්සාහ කරනවා මේ අපි ජනතාවට දුන්න පොරොන්දු ඉටු කළේ නෑ කියලා.”
“මම කියන්නම් ඒ ගොල්ල කරපු හැටි. 2015 මේ රටේ විශාල පරිවර්තනක් සිද්ධ වුනා. ඒ පරිවර්තනය දෙවැනි වෙන්නේ 2024 සැප්තැම්බර් මේ රටේ ඇති වෙච්ච සමාජ පරිවර්තනයට විතරයි. දැන් 2016 මේ ගොල්ල බලය අරන් කොපමණ වියදම් කළේ. 2016 දී මූල ධන වියදම් විදිහට මේ ගොල්ල ඇස්තමේන්තු කළා මිලියන 594ක්. වියදම් කළේ 298යි. සියයට 50.2යි.”
“2025 මාර්තු 21 අය වැය සම්මත වුනේ. අලුත් අවුරුදු තිබුණා. පළාත් පාලන ඡන්දය තිබුණා මැයි 06 වැනිදා. එහෙම තියෙද්දිත් සප්තැම්බර් 30 වෙනකොට අපි බිලියන 455ක් වියදම් කරලා තියනවා. ඒ අනුව පේනවා කවුද මේ රටේ මහ ජනතාවට බොරු කියලා තියෙන්නෙ කියලා.”
