ආණ්ඩුව පච කියමින් නිර්මාණය කරලා තියෙන්නේ අලුත්ම ගණයේ කඩවුන පොරොන්දු චිත්‍රපටයක්… විපක්ෂ නායකවරයා පාර්ලිමේන්තුවේ දී කියයි!

පසුගිය 2025 අයවැයේ භෞතික සහ මූල්‍ය ප්‍රගතිය  තමන් විමසා සිටියත් ඒ සරල ප්‍රශ්නයට පිළිතුරු දෙන්නට ආණ්ඩුව කල් ඉල්ලූ බව විපක්ෂ නායකවරයා පැවසුවේය.

ඔහු අද පාර්ලිමේන්තුවේ දී අය වැය විවාදය ආරම්භ කරමින් කියාස සිටියේ ඊට පිළිතුරු දෙන්නට ආණ්ඩුව සමත් වූයේ පසුගිය වසරේ අය වැය යෝජනාවලින් බොහෝමයක් සම්පූර්ණ කර නොමැති නිසා බව කී විපක්ෂ නායකවරයා ආණ්ඩුව අමූලික බොරු කියමින් ජනතාව මුලුමනින්ම රවටා රට ව්‍යසනයට ලක් කරන බවට නිර්දය විවේචනයක් ද ඉදිරිපත් කළේය.

“ ආංශික අධීක්ෂණ කාරකසභා වලට රාජ්‍ය නිලධාරීන් ලබා දුන් සමහර වාර්තාවන් පෙන්වා දෙනවා 2025 අයවැයේ ස්වරූපය.

• පාසල් අධ්‍යාපනය නවීකරණය කරන්න මිලියන 500ක් වෙන් කරලා තියනවා. දැනට පාවිච්චි කරලා තියෙන්නේ සියයට 20යි.
• උසස් ශ්‍රේණිගත විශ්වවිද්‍යාලයක අධ්‍යාපනය සඳහා ශෂ්‍යත්ව දෙනවා. මිලියන 200යි. ප්‍රගතිය සියයට 15යි. දැන් හිතාගන්න පුලුවන් උත්තර දුන්නේ නැත්තේ ඇයි කියලා.
• ඔටිසම් දරුවන් සඳහා දිවා සුරැකුම් මධ්‍යස්ථාන පිහිටුවීම. මිලියන 250යි. ප්‍රගතිය සියයට 30යි.
• ඔටිසම් දරුවන් සහ සෞඛ්‍ය අධ්‍යාපන සහ සේවා පහසුකම් වැඩි දියුණු කිරීම. මිලියන 200යි. ප්‍රගතිය සියයට 15යි.
• කෘෂිකර්ම අමාත්‍යාංශය ගමු. කෘෂිකර්මික අංශවල තරුණ ව්‍යවසාකයින්ගේ සංවර්ධනයට මිලියන 500යි. ප්‍රගතිය සියයට 45යි.
• ක්ෂේත්‍ර භෝග ප්‍රවර්ධනය. මිලියන 500යි. ප්‍රගතිය සියයට 40යි.
• අපනයන භෝග ප්‍රවර්ධනය. මිලියන 250ක් වෙන් කරලා තියනවා. ප්‍රගතිය සියයට 40යි.
• ක්‍රීඩා සංස්කෘතියක් බිහි කිරීම. මිලියන 500යි. භෞතික ප්‍රගතිය සියයට 10යි.
• උතුරු පොල් ත්‍රිකෝණය පිහිටුවීම තුළින් පොල් නිශ්පාදනය ඉහළ නැන්වීම. මිලියන 500ක් වෙන් කරලා තියනවා. ප්‍රගතිය සියයට 46යි.
• ඌන උපයෝජිත ඉඩම් ආයෝජන සඳහා ලබා දීම. මිලියන 250ක් වෙන් කරලා තියනවා. ප්‍රගතිය සියයට 10යි.

හිතාගන්න පුලුවන්නේ  2025 අයවැයේ ප්‍රගතිය මේක නම් 2026 අයවැයේ ප්‍රගතියට වෙන දේ ගැන අමුතුවෙන් කියන්න දෙයක් නෑ.

විපක්ෂ නායකවරයා කීවේ ජන වරම් තුනක් ලබාගෙන ආණ්ඩුව අලුත්ම ගනයේ කඩවුන පොරොන්දු චිත්‍රපටය නිර්මාණය කර ඇති බවය.