මුදල් අමාත්ය බැසිල් රාජපක්ෂ මහතා ඇතුළු දෙදෙනෙකුට එරෙහිව අධිකරණයේ පවතින ලිත් නඩුව ඉදිරියට පවත්වාගෙන යාම පිළිබඳව නීතිපතිවරයා ලබන 11 වන දින අධිකරණයට දැනුම් දීමට නියමිත බව නියෝජ්ය සොලිසිටර් ජනරාල් දිලීප පිරිස් මහතා අද (05) කොළඹ මහාධිකරණයට දැනුම් දී තිබේ.
එහි විනිසුරු දමිත් තොටවත්ත මහතා හමුවේ මෙලෙස දැනුම් දෙනු ලැබුවේ දිව් නැගුම අරමුදලට අයත් මුදල් අවභාවිත කළ සිද්ධිය සම්බන්ධයෙන් වන ලිත් නඩුව ය.
ලබන 11 වන දින මෙම නඩුව සම්බන්ධයෙන් නීතිපතිවරයාගේ ස්ථාවරය අධිකරණය හමුවේ දැනුම් දෙන ලෙස ද විනිසුරුවරයා පැමිණිල්ල වෙත නියෝග කළේය.
නීතිපතිවරයා විසින් කොළඹ මහාධිකරණය හමුවේ මුදල් අමාත්ය බැසිල් රාජපක්ෂ හා හිටපු දිවි නැගුම සංවර්ධන අධ්යක්ෂ ජනරාල් කිත්සිරි රණවක යන අයට එරෙහිව මීට අදාළ අධිචෝදනා ගොනු කර තිබිණි.
ඒ ඉකුත් ජනාධිපතිවරණ සමයේ දිවිනැගුම් අරමුදලට අයත් රුපියල් 29400000ක මුදලක් හිටපු ජනාධිපති මහින්ද රාජපක්ෂ මහතාගේ රුව සහිත ලිත් ලක්ෂ පනහක් මුද්රණය කර බෙදා හැරිම මගින් පොදු දේපළ පනත යටතේ වරදක් සිදු කර ඇති බවට චෝදනා කරමිනි.
