ශ්රි ලංකාවට පැමිණෙන සංචාරකයන් පැමිණීමට පැය 72කට පෙර පී.සී.ආර් පරීක්ෂණයක් සිදු කිරීම අනිවාර්ය කරමින්, සෞඛ්ය අමාත්යංශයටත් පෙර කොවිඩ් ව්යාප්තියට අදාළ රෙගුලාසි පැනවීමට සංචාරක අමාත්යවරයා පියවර ගැනීමට ඉක්මන් වීම පිළිබඳව සංචාරක සහ සෞඛ්ය ක්ෂේත්ර තුළ දැඩි කතා බහක් නිර්මාණය වී ඇති බව ක්ෂේත්රයේ ආරංචි මාර්ග සඳහන් කළේය.
මේ සම්බන්ධයෙන් මාධ්යයට අදහස් දක්වමින් රුසියාවේ හිටපු තානාපති උදයාංග වීරතුංග කීවේ හරීන් ප්රනාන්දු අමාත්යයවරයා යම් කිසිවකුගේ කුමන්ත්රණයකට හසුව රුසියාවෙන් මාසිකව පැමිණෙන 15000ක පමණ වන සංචාරකයන් නැවැත්වීම් උපායකට හසුව සිටීදැයි සැකයක් මතුවන බවය .
සංචාරක ක්ෂේත්රයේ වෙනත් මෙහෙයවන්නන්ද සංචාරක සංවර්ධන අධිකාරිය විසින් ගත් තිරණය විවේචනයට ලක් කර තිබේ.
කෙසේ වුවද මේ සම්බන්ධයෙන් රජයේ අවධානය මේ වෙනුවෙන් යොමු වි ඇති අතර සෞඛ්ය අමාත්යංශයේ බලධාරීන්ද මෙම තීරණය හේතුවෙන් විමතියට පත්ව ඇත.
උග්ර විදේශ විනිමය අර්බුදයක සිටින ශ්රි ලංකාව සංචාරකයන් සඳහා එලෙස හදිසියේ පීසීආර් පරීක්ෂණ රෙගුලාසි දැමීම සම්බන්ධයෙන් ඔවුන් සෞඛ්ය අමාත්යංශයෙන්ද විමසා ඇති කල එහිදී අමත්යංශ නිලධාරීන් සඳහන් කර ඇත්තේ කොවිඩ් සම්බන්ධයෙන් යම් රෙගුලාසියක් හෝ මාර්ගෝපදේශයක් නිර්දේශ කරන්නේ නම් එය සෞඛ්ය සේවා අධ්යක්ෂ ජනරාල්වරයා විසින් සිදු කළ යුතු අතර මෙවැනි නියමයක් අධ්යක්ෂ ජනරාල්වරයා විසින් සිදු කරනු ලැබ නොමැති බවය.
ඒ අනුව සෞඛ්ය සේවා අධ්යක්ෂ ජනරාල් අද හදිසියේ මාධ්ය හමුවක් කැඳවා මෙවැනි කොවිඩ් වැළැක්වීමට අදාල රෙගුලාසි නියම කිරීමේ බලය ඇත්තේ සෞඛ්ය සේවා අධ්යක්ෂ ජනරාල්වරයාට බැවින් සංචාරක සංවර්ධන අධිකාරිය විසින් නිකුත් කරන ලද කොවිඩ් රෙගුලාසි බලරහිත බව ප්රකාශ කළේය
