පසුගිය 02 දා කොළඹ අතිරේක මහේස්ත්රාත්වරයා විසින් නිකුත් කළ අධිකරණ නියයෝගය පොලිසිය අද අරගලියගහ මන්දිරය ඉදිරිපිට මයිනාගෝගම පරිශ්රයේ අලවා තිබේ.
අරලියගහ මන්දිරය ඉදිරිපිට මහා මාර්ගය අවහිර කරමින් මහනජතාවට අවහිරවන ලෙස කටයුතු කිරීම පිළිබඳව වාර්තා කර කොල්ලුපිටිය පොලිසිය 1979 අංක 15 දරන අපරාධ නඩු විධාන සංග්රහය ප්රකාරව මෙම පිරිසට විසිර යන ලෙස අධිකරණ නියෝගයක් නිකුත් කරන්නැයි කොළඹ මහේස්ත්රාත් අධිකරණයෙන් ඉල්ලා තිබිණි.
අධිකරණය නියෝග කර ඇත්තේ පදිකයින්ට අවහිර වන සේ නවත්වා ඇති වාහන හා සකස්කර ඇති අට්ටාල ගලවා ඉවත් කරන ලෙසය.
කෙසේ වෙතත් සාමකාමී උද්ඝෝෂණයට බාධාවක් නොකරන ලෙස එම අධිකරණ නියෝගයේ දන්වා තිබේ.
මෙම අධිකරණ නියෝගය පසුගිය 02 දා නිකුත් කළද වාහන ඉවත් කරගැනීමට සිදුවීම නිසා එය ක්රියාත්මක නොකළ කොල්ලුපිටිය පොලිස් ස්ථානාධිපතිවරයාට 09 දා අධිකරණයේ පෙනී සිටින ලෙස කොළඹ මහේස්ත්රාත් අධිකරණය නියෝග කර තිබේ.
