රට පුරා ව්යාප්ත විරෝධතා පාලනය කිරීමට අමතරව මේ වනවිට විරෝධාතා ඇතිවුණ සහ ඇතිවීමේ අවදානමක් සහිත මැති ඇමතිවරුන්ගේ නිවාස අසලටත් පොලිස් ආරක්ෂාව යෙදවීමට සිදුවීම නිසා රටේ දෛනික රාජකාරිය සඳහා නිලධාරීන්ගේ දැඩි හිඟයක් නිර්මාණය වී ඇති ආකාරය පොලිස් දෙපාර්තමේන්තු ආරංචි මාර්ග හෙලි දරවු කරයි.
රජයට විරෝධය දක්වමින් පැවැත්වෙන විරෝධතා මේ වනවිට එක් එක් පළාත්වල දේශපාලකයන්ගේ පෞද්ගලික නිවාස ඉදිරියටද ව්යාප්ත ව ගොස් ඇති බව වාර්තාකරුවෝ සඳහන් කරති.
ඒ අනුව ගම්හප දිස්ත්රික්කයේ පොදු ජන පෙරමුණේ ප්රබලම අමාත්යවරයෙක්වන ප්රසන්න රණතුංගේත්, කළුතර දිස්ත්රික්කයේ රෝහිත අබේගුණවර්ධනගේත්, ගාල්ල දිස්ත්රික්කයේ අමාත්යවරයෙක්වන වෛද්ය රමේෂ් පතිරණ ගේත් මාතර දිස්ත්රික්කයේ කංචන විජේසේකරගේත් නිවාස ඉදිරිපිට පිරිස් විරෝධය දක්වා ඇති අතර දඹුල්ලේ ජනක බණ්ඩාර තෙන්නකෝන් අමාත්යවරයාගේ නිවස ඉදිරිපිටද විරෝධතාවක් පත්වා තිබේ.
දිවුලපිටිය ප්රදේශයේ පිහිටි රජ්ය අමාත්ය ඉන්දික අනුරුද්ධගේ නිවස ඉදිරිපිටද විරෝධතාවක් දක්වා ඇත.
මීට අමතරව කෑගල්ලේ නිර්දේශපාලනික තරුණ තරුණියන් පිරිසක් විසින් පවත්වාගෙන ගිය විරෝධයක් අසළට පැමිණි හිරුණිකා ප්රේමචන්ද්රට ඔවුන් වෙතින් දැඩි විරෝධයක් එල්ල වී තිබේ. මේ හේතුවෙන් ඇය තම පිරිස සමඟ එම ස්ථානනේ පිටව ගොස් ඇති බව වාර්තා සඳහන් කරයි.
මහජනතාව විසින් නිවාස වටලනු ඇතැයි අනුමාන කරන දේශපාලනඥයන් රැසකගේ නිවෙස්වලට මේ වන විට ආරක්ෂාකව සපයා ඇති බව පොලිස් මූලස්ථාන තොරතුරු සඳහන් කළේය.
ඒ ඒ ප්රෙද්ශවල පොලිස් ස්ථාන මගින් මෙම ආරක්ෂාව ලබාදී තිබේ. මේ තත්වය මත පොලීසියට සාමාන්ය රාජකාරි ඉටුකිරීම සඳහා නිලධාරීන් දැඩි හිඟයක් පවතින බව පොලිස් තොරතුරු සඳහන් කරයි.
