සාමකාමී පා ගමනක යෙදුණු කාන්තාවන් දෙදෙනකු අත්අඩංගුවට පත් කිරීමට උත්සාහ ගත් අවස්ථවේ දී ඊයේ (12) පානදුර දකුණ මූලස්ථාන පොලිස් පරීක්ෂක චමින්ද පින්තු විසින් ආවේගශීලීව පොලිස් නිලධාරිනියන් දෙනෙකුට අමානුෂික ලෙස සැලකීම සම්බන්ධ සිද්ධිය පිළිබඳව පූර්ණ විමර්ශනයක් සිදු කරන ලෙස පොලිස්පතිවරයා නියෝග කර ඇති බව පොලිස් ආරංචි මාර්ග සඳහන් කරයි.
ත්රස්තවාදය වැළැක්වීමේ පනත යටතේ සිර ගක කර සිටින අන්තර් විශ්ව විද්යාල ශිෂ්ය බල මණ්ඩලයේ කැඳවුම්කරු වසන්ත මුදලිගේ රඳවා ගැනීමට විරෝධය පළ කරමින් කාන්තාවන් දෙදෙනකු සාමකාමී ව පා ගමනින් පැමිණි අවස්ථාවේදී එය වළක්වාලීමට පොලිස්ය කටයුතු කළ අතර පසුව ඔවුන් අත් අඩංගුවට ගැනීමට පොලිසිය කටයුතු කළේය.
එම අවස්ථාවේදී ඔවුන් වාහනයට නංවා ගන්නා ලෙස හිංසාකාරී ලෙස පොලිස් නිලධාරිනියන් දෙදෙනනුගේ බෙලලෙන් අල්ලා තර්ජනය කරමින් ඉදිරියට තල්ලු කිරීමට මෙම මූලස්ථාන පොලිස් පරීක්ෂක චමින්ද පින්තු කටයතු කර ඇත.
ඔහු එහිදී හැසිරුණු අමානුෂික විලාසය දැක්වන වීඩියෝවක් මේ වනවිට සමාජ මාධ්ය තුළ වෛරස ආකාරයන් පැතිර යන අතර පොලිස් නිලධාරිනියන්ට එලෙස හිසංකාරී ලෙස රාජකාරියේ දී බලපෑම් කිරීම හෙළි කරමින් ශ්රි ලංකා නීතිඥ සංගමයද මෙම සිද්ධිය හෙළා දුටුවේය.
මේ සම්බන්ධයෙන් අවධානය යොමු කර ඇති පොලිස්පතිවරයා පොලිසියේ විශේෂ විමර්ශන ඒකකය වෙත අදාළ පොලිස් පරීක්ෂකවරයා සම්බන්ධයෙන් විමර්ශනයක් පවත්වන ලෙස නියෝග කර ඇත
