දේශපාලනික මුහුණුවරකින් යුතුව ප්රජා පොලිස් කමිටු සාමාජිකයන් 10,000කට ආසන්න ප්රමාණයක් කැඳවා රැස්වීමක් පැවැත්වීමට පොලිස් තෑගි අරමුදලින් ද රුපියල් මිලියනයක මුදලක් වෙන් කර ඇති බවත් එය මුලුමනින්ම නීති විරෝධී කටයුත්තක් බවත් විශ්රාමික ජ්යෙෂ්ඨ නියෝජ්ය පොලිස්පති රවී සෙනවිරත්න අද හෙළි කළේය.
අනිතික ක්රියාවලින් වැලකී සිටින ලෙස පොලිස් නිලධාරීන්ගෙන් ඉල්ලා සිටිමින් ඔහු මේ බව හෙලි කරන ලද්දේ එළඹෙන ජනාධිපතිවරණය ඉලක්ක කරගෙන ජාතික ජන බලවේගයේ මැතිවරණ නිරීක්ෂණ මධ්යස්ථානයක් ආරම්භ කරන බව දැනුම්වත් කිරීම සඳහා පැවැත්වූ මාධ්ය සාකච්ඡාව අමතමිනි.
හිටපු ජ්යෙෂ්ඨ නියෝජ්ය පොලිස්පතිවරය පැවසුවේ එළඹෙන ජනාධිපතිවරණය අරමුණු කරගෙන අංක: 27 ඒ, දකුණු වටරවුම් පාර, ජයන්තිපුර, බත්තරමුල්ල, යන ස්ථානයේ ජාතික ජන බලවේගයේ මැතිවරණ නිරීක්ෂණ මධ්යස්ථානය, හෙට (26 ) දින ආරම්භ කිරීමට බලාපොරොත්තු වන බවය.
මැතිවරණ ක්රියාවලියට බාධා වන සියලු කටයුතු පිළිබඳ තොරතුරු රැස්කිරීම මෙම මධ්යස්ථානයෙන් එක් රැස් කර එම තොරතුරුවලට අදාලව සක්රීයව මැදිහත්වීමක් සිදුකරන බවත්, අවශ්ය වූ විට අධිකරණ ක්රියාවලියක් කරා යොමුවීමට අපේක්ෂා කරන බවත් ඔහු පෙන්වා දුන්නේය.
මෙම මැතිවරණ කාර්යාලය බාරව ජාතික ජන බලවේගයේ සාමාජික, විශ්රාමික පොලිස් සාමූහිකයේ සාමාජික, විශ්රාමික නියෝජ්ය පොලිස්පති ඩේවිඩ් ගජසිංහ, විශ්රාමික පොලිස් අධිකාරී උපාලි පියනන්ද ඇතුළු කාර්ය මණ්ඩලයත් හෙට දින සිට පැය 24 පුරාම ඉහත ලිපිනයේ ක්රියාත්මකවන බව ඔහු පැවසුවේ 0112 796388, 071 435 6301, 0777 307409 යන දුරකථන අංක තුන හා [email protected] යන විද්යුත් ලිපිනය මගින් එම මධ්යස්ථානය වෙත පැය 24 පුරා සම්බන්ධ විය හැකි බව ද දන්වා සිටිමිනි.
එහිදී ජාතික ජන බලවේගයේ විශ්රාමික පොලිස් සාමූහිකයේ ප්රධානී, විශ්රාමික ජ්යෙෂ්ඨ නියෝජ්ය පොලිස්පති රවි සෙනෙවිරත්න මෙසේ ද පැවසුවේය.
දේශපාලනික මුහුණුවරකින් යුතුව ප්රජා පොලිස් කමිටු සාමාජිකයන් 10,000කට ආසන්න ප්රමාණයක් කැඳවා රැස්වීමක් පැවැත්වීමට පොලිස් තෑගි අරමුදලින් ද රුපියල් මිලියනයක මුදලක් වෙන් කර ඇති බවත් අපිට වාර්තා වුණා.
“පොලිස් තෑගි අරමුදල පිහිටුවා තිබෙන්නේ පොලිස් නිලධාරීන් විසින් කරන ලද යහපත් සේවය සඳහා දිරි ගැන්වීමක් ලෙස යම් යම් දීමනාවන් කරන්නයි. එම අරමුදල පවත්වාගෙන යෑම, මුදල් නිර්දේශ කිරීම පිළිබඳ දෙපාර්තමේන්තු නියෝගවල පැහැදිලිව දක්වා තිබෙනවා. ඊට අමතරව පොලිස් ගැසට් පත්ර පවා නිකුත් කර තිබෙනවා. පොලිස් තෑගි අරමුදලේ මුදල් වෙනත් කටයුත්තකට යෙදවීම නීතියට පටහැණියි. එය මූල්ය අවභාවිතයක් බව සඳහන් කළ යුතුයි. මෙම අනීතික ක්රියාවලින් වැළකී සිටින ලෙස මම පොලිස් නිලධාරීන්ගෙන් ඉල්ලා සිටිනවා.
නිදහසේ ඇවිත් නිදහසේ පුද්ගල ඝාතන සිදුකර යන තරමට අපරාධ රැල්ල වැඩවී තිබෙනවා. නිදහස් හා සාධාරණ මැතිවරණයකට මෙවැනි අපරාධකාරී පරිසරයක් බාධාවක්. මේ වසරේ මේ වන විට වෙඩි තැබීම් 74ක් සිදුකර තිබෙනවා. එයින් පුද්ගල ඝාතන 84ක් සිදුකර තිබෙනවා. මේ අපරාධ රැල්ල මැඩලීමට පියවර ගන්නා ලෙස රජයෙන් මෙන්ම පොලිස් දෙපාර්තමේන්තුවෙනුත් ඉල්ලා සිටිනවා.
